Захаванасць агародніны шмат у чым залежыць ад таго, як падрыхтаваны наш склеп. Перш за ўсё, сховішча трэба вычысціць, адрамантаваць паліцы і адсекі, добра праветрыць і прадэзынфіцыраваць.
Такім чынам, пачнём з драўляных паліц, стэлажоў і засекаў. Іх трэба разабраць і вынесці на вуліцу, прамыць гарачай вадой з содай, а затым прасушыць на сонцы.
Дэзынфекцыю драўляных дэталяў і сцен супраць «грыбных хвароб» мы робім наступным чынам. Бяром і двойчы белім вапнай усё ўнутры, дадаючы медны купарвас (100 г на вядро раствору).
Каб пазбавіць сваё сховішча ад гнілі і цвілі, сцены і драўляныя канструкцыі прамываем, з палівачкі паліваем драўляную падлогу 10-працэнтным растворам меднага купарвасу (100 г на літр вады).
Супраць розных насякомых і гніласных грыбоў праводзім дэзынфекцыю парамі, якія ўтвараюцца пры гашэнні вапны. На кожныя 10 кубаметраў аб'ёму сховішча бяром 3 кг нягашанай вапны, засыпаем у бочку і заліваем вадой. Праз тыдзень па магчымасці гэтую працэдуру трэба паўтарыць.
А вось каб наш склеп зімой заставаўся сухі, не плеснеў і не вільгатнеў, яго трэба старанна ўцяпліць і забяспечыць добрай і эфектыўнай вентыляцыяй.
Для гэтага трэба правесці трубу ў маленькае акенца склепа з выхадам вонкі. У любым склепе ўсю восень і зіму павінна захоўвацца і забяспечвацца патрабаваная тэмпература паветра, прыдатная строга для захоўвання той жа бульбы, яблыкаў, буракоў, морквы і іншых агародных культур і нарыхтовак.
Многае з сабранага ўраджаю можна захоўваць у маразільніку або халадзільніку, а то і зусім на паліцах свайго дома ці склепа. Калі ў вас усё будзе падрыхтавана правільна, то можна быць упэўненым: ваш ураджай абавязкова захаваецца літаральна да наступнага сезона. Мая практыка падрыхтоўкі склепа да захоўвання дачных агародных і садовых культур налічвае не адзін дзясятак гадоў, і кожны год у нас захоўваецца абсалютна ўсё — здаровым, непашкоджаным і смачным. Беражыце сваю працу!
Яўген САЛАНОВІЧ, дачнік са шматгадовым вопытам
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».