25 кастрычніка 2022 года жыхары Беларусі змогуць убачыць прыватныя фазы сонечнага зацьмення, паведамляе рэсурс astrobel.ru.
Прыватнае зацьменне назіраецца, калі месяц трапляе ў поўны цень Зямлі толькі часткова.
Астранамічную з’яву можна будзе назіраць ў Еўропе, на Блізкім Усходзе, у Цэнтральнай Азіі і Заходняй Сібіры, на паўночным усходзе Афрыкі, у паўночна-ўсходняй частцы Атлантычнага акіяна, над заходняй часткай Паўночнага Ледавітага акіяна, а таксама ў паўночна-заходняй частцы акваторыі Індыйскага акіяна.
Частковае сонечнае зацьменне 25 кастрычніка пачнецца з усходам сонца на тэрыторыі Ісландыі, а завершыцца з заходам сонца ў раёне Аравійскага мора. Найбольшая фаза сонечнага зацьмення складзе 0,863 і будзе назірацца ў Расійскай Федэрацыі ў Ханты-Мансійскай аўтаномнай акрузе — Югра. Бліжэйшым буйным горадам да месца назірання на тэрыторыі Расійскай Федэрацыі стане горад Ніжнявартаўск. Тут Месяц схавае Сонца больш, чым на 86%.
На тэрыторыі Беларусі найбліжэйшым горадам з бачнасцю максімальнай фазы стане горад Хоцімск. Тут Месяц схавае Сонца больш, чым на 65%.
Для жыхароў Мінска сонечнае зацьменне 25 кастрычніка пачнецца ў 12 гадзін 17 хвілін. У 13 гадзін 29 хвілін Сонца закрыецца на 60%, што будзе з’яўляцца максімальнай фазай для сталіцы. У 14 гадзін 41 хвіліну ў Мінску сонечнае зацьменне будзе завершана. Агульны час зацьмення ў Мінску складзе 2 гадзіны 24 хвіліны.
Спецыялісты нагадваюць: для назіранняў сонечнага зацьмення неабходна мець спецыяльныя ахоўныя святлафільтры, ахоўныя плёнкі або спецыяльныя ахоўныя акуляры. Для назіранняў сонечнага зацьмення многія па-старому і са знаходлівасці выкарыстоўваюць зварачнае шкло або зварачныя маскі, CD ці DVD дыскі без налепак і галаграм.
Наступнае сонечнае зацьменне жыхары Беларусі змогуць убачыць 29 сакавіка 2025 года. Максімальная фаза яго ў Мінску складзе 11%.
Канцэрт для дзяцей і моладзі, пластычны спектакль Ягора Дружыніна і «Рок-панарама».