Вы тут

У Слуцкім раёне праходзіць комплекснае вучэнне МНС


У рамках вучэння па абароне насельніцтва і тэрыторый ад надзвычайных сітуацый прыроднага і тэхнагеннага характару і грамадзянскай абароне аварыйныя службы раёна адпрацоўваюць дзеянні па рэагаванні на розныя няштатныя сітуацыі.


Адна з іх звязана з цыклонам, які характарызуецца парывамі ветру да 25 м/с і паніжэннем тэмпературы паветра да −20°С. Паводле легенды, у сувязі з неспрыяльным надвор’ем, моцным выпадзеннем ападкаў у выглядзе снегу і «ледзянога» дажджу на асобных участках аўтадарог магчымыя падзенні дрэў і ўтварэнне снежных замётаў. Не выключаюцца пашкоджанне будынкаў і збудаванняў, абрывы паветраных ліній электраперадачы, аварыі на сістэмах жыццезабеспячэння насельніцтва.

Каля 10 раніцы паступіла інфармацыя аб багатым выпадзенні снегу на ўчастку аўтадарогі паблізу вёскі Слабада. Згодна з ўступнай, снежныя замёты і падзенне дрэў на праезную частку прывялі да затору на дарозе. Тут жа адбылося ДТЗ з удзелам бензавоза, які перавозіў дызельнае паліва, і легкавога аўтамабіля. У выніку сутыкнення ў цыстэрне ўтварылася ўцечка. Дапамога ратавальнікаў і медыкаў патрабавалася людзям, заціснутым у легкавым аўтамабілі і вадзіцелю бензавоза. У некаторых аўтаўладальнікаў скончылася паліва. Тыя, хто адправіўся на пошукі бензіну, не змаглі выйсці з лесу самастойна.

На месца здарэння аператыўна прыбыла дарожная тэхніка для расчысткі пакрыцця і стварэння праезду для падраздзяленняў МНС і брыгад хуткай медыцынскай дапамогі. Да распілоўкі дрэў, якія ўпалі, падключыліся леснікі. Адно падраздзяленне ратавальнікаў аператыўна наклала бандаж на цыстэрну бензавоза і прадухіліла разліў небяспечнай вадкасці. Іншыя ратавальнікі дэблакіравалі вадзіцеляў легкавога аўтамабіля і бензавоза. Пасля агляду медыкаў пацярпелыя былі транспарціраваны ў карэту хуткай дапамогі і дастаўлены ў бальніцу.

Літаральна адразу паступіў сігнал аб новай надзвычайнай сітуацыі паблізу вёска Рудня. Падмыў і частковае разбурэнне плаціны на вадасховішчы «Рудня» прывялі да падтаплення домаўладанняў. Дапамога патрабавалася і рыбакам, якіяапынуліся ў вадзе. Ратавальнікі спусцілі лодку і выцягнулі двух мужчын на бераг. Выратаваных агледзелі медыкі і з дыягназам «пераахаладжэнне» даставілі людзей ва ўстанову аховы здароўя. Цэласнасць дамбы з дапамогай спецыяльнай тэхнікі аднаўлялі прадпрыемствы меліярацыйных сістэм. Супрацоўнікі ДАІ забяспечылі ачапленне месца здарэння, ахову дамоў і апавяшчэнне насельніцтва. Для часовага адсялення жыхароў вёскі былі арганізаваны адпаведныя пункты.

У гэты ж дзень адбылося ўмоўнае надзвычайнае здарэнне і ў горадзе Слуцку: ураганны вецер пашкодзіў дахі шматкватэрных і прыватных жылых дамоў і шэрагу аб’ектаў у горадзе. Пад заваламі аказаліся людзі. Для рэагавання на месца неадкладна прыбылі падраздзяленні МНС, медыкі, супрацоўнікі РАУС, камісія па НС. Выратаванне людзей, эвакуацыя і адсяленне насельніцтва ў пункты часовага размяшчэння, аднаўленчыя работы па рамонце жылога дома прадэманстравалі на практыцы службы раёна.

Заўтра вучэнні працягнуцца. Іспыт на прафесіяналізм будуць трымаць многія ведамствы і арганізацыі. 

— Гэтыя вучэнні дадуць магчымасць яшчэ раз адпрацаваць на практыцы ўсе магчымыя надзвычайныя і няштатныя сітуацыі ў нашым рэгіёне, праверыць узаемадзеянне ўсіх службаў для таго, каб у рэальным жыцці аператыўна рэагаваць і ліквідаваць іх наступствы, — адзначыў намеснік старшыні Слуцкага раённага выканаўчага камітэта Аляксандр Харэвіч. 

Як заўважыў намеснік начальніка Мінскага абласнога ўпраўлення МНС Віталь Пякурын, вучэнні --- гэта найважнейшая форма падрыхтоўкі, якая дае магчымасць прадэманстраваць гатоўнасць аварыйных службаў і іншых арганізацый на магчымыя надзвычайныя сітуацыі, у прыватнасці, у асенне-зімовы перыяд. «МНС аператыўна рэагуе на першапачатковай стадыі, затым падключаюцца ўсе службы, — удакладніў ён. — Асноўная мэта комплекснага вучэння — адпрацаваць узаемадзеянне ўсіх службаў так, каб яны рэагавалі як адзіны механізм. На ўступных усё павінна адпрацоўвацца, як у рэальнасці».

Вераніка КАНЮТА

Фота прэс-службы Мінскага абласнога ўпраўлення МНС

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.