Эканоміка аднаўляецца за кошт сельскай гаспадаркі, прамысловасці, інфармацыі і сувязі. Пра гэта заявіў журналістам міністр эканомікі Аляксандр Чарвякоў перад пасяджэннем Савета міністраў, паведамляе БелТА.
«Пасля пяцімесячнага запаволення ў жніўні і верасні эканоміка выйшла на траекторыю аднаўленчай дынамікі. За кошт чаго расце эканоміка? Перш за ўсё за кошт сельскай гаспадаркі, інфармацыі і сувязі. У верасні стала аднаўляцца прамысловасць. Мы прырастаем па ключавых таварных пазіцыях. Больш чым на 20% павялічылася вытворчасць трактароў, камбайнаў, інтэгральных схем, бытавой тэхнікі і гэтак далей. Гэты пералік досыць шырокі. Мы плануем і прыкладаем усе намаганні, каб да снежня атрымаць 100% у месячным вылічэнні», — сказаў Аляксандр Чарвякоў.
Ён таксама закрануў тэму збалансаванасці эканомікі. «Сёння мы маем станоўчае сальда знешняга гандлю на ўзроўні больш за $3 млрд, што забяспечвае ўстойлівасць на фінансавым і валютным рынку, дае нам магчымасць развіваць інвестыцыйныя праекты. Эканоміка працуе ўстойліва, і гэта самае галоўнае сёння. Гэта дае магчымасць выконваць усе сацыяльныя абавязацельствы, выбудоўваць інфраструктуру», — падкрэсліў міністр.
У сталіцы адкрылася ХХХ Мінская міжнародная кніжная выстаўка-кірмаш.
«Мы плануем навучыць аднаўленчым медыятыўным практыкам 20 чалавек з розных устаноў».
«Важны момант, што яўныя сімптомы аўтызму ёсць, але бацькі не жадаюць заўважаць іх».
Ужо традыцыя з нагоды Дня роднай мовы прапаноўваць чытачам праверыць свае веды.
