Вы тут

Гулевіч: За мінулы год падыходы да падрыхтоўкі войскаў былі пераасэнсаваныя


За мінулы навучальны год падыходы да падрыхтоўкі войскаў былі пераасэнсаваныя. Пра гэта журналістам падчас аператыўнага збору каманднага складу заявіў начальнік Генеральнага штаба Узброеных Сіл — першы намеснік міністра абароны Віктар Гулевіч, перадае БелТА.


«Мінулы навучальны год даў нам магчымасць пераасэнсаваць падыходы да падрыхтоўкі войскаў. Яны тычацца пытанняў кіравання войскамі, размяшчэння пунктаў кіравання ў розных умовах, іх абароненасці і мабільнасці. Усё гэта было адпрацавана на працягу года», — сказаў Віктар Гулевіч.

На думку начальніка Генеральнага штаба, выбраныя падыходы рэалізуюцца, і ўзброеныя сілы знаходзяцца на правільным шляху. Што тычыцца падыходу да боепадрыхтоўкі войскаў, дадаў Віктар Гулевіч, то трэба пераходзіць да большай мабільнасці і самастойнасці асобных падраздзяленняў тактычнага ўзроўню: узвода, роты, батальёна.

«Зыходзячы з гэтага, зроблена вельмі многае для перааснашчэння і дааснашчэння нашых падраздзяленняў. Гэта датычыцца і беспілотных лятальных апаратаў розных мадыфікацый, сродкаў сувязі і назірання. Усё гэта дазваляе нашым войскам назіраць за полем бою, кіраваць падначаленымі агнявымі сродкамі і выконваць агнявыя задачы», — падкрэсліў Віктар Гулевіч.

Начальнік Генштаба ўпэўнены: самае галоўнае — не губляць планавасць падрыхтоўкі. Для набыцця вайскоўцамі навыкаў баявой дзейнасці яны павінны пастаянна займацца. Што тычыцца становішча ўздоўж граніц, то сітуацыя на рубяжах Рэспублікі адсочваецца, а разгортванне розных груповак знаходзіцца пад кантролем. «Калі мы бачым нейкія рызыкі і выклікі, то неадкладна выстаўляем нашы сілы і дзяжурныя падраздзяленні, якія могуць неадкладна адбіць магчымы наступ», — сказаў на заканчэнне Віктар Гулевіч.

Прэв’ю: БелТА

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».