Вы тут

Надвор'е: Лістапад — на носе, а ў нас амаль плюс 20


Вясёлая ў нас сёлета восень, калі ў пачатку кастрычніка ў нашай краіне адзначалася пераважна адмоўная анамалія тэмпературы паветра, то на апошнім тыдні кастрычнік памяняў свой настрой. Прыток цёплага і вільготнага паветра з Атлантыкі павысіў паказанні тэрмометраў. Цяпер у нас сярэднесутачная тэмпература паветра на 2—7 градуса перавышае кліматычную норму, што больш адпавядае пачатку кастрычніка. Цёплае надвор'е захаваецца ў Беларусі да канца тыдня і нават у першыя дні лістапада, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: pixabay.com

У суботу ў многіх раёнах краіны будуць адзначацца кароткачасовыя дажджы. Ноччу і раніцай месцамі па краіне магчымы туман. Днём у асобных раёнах чакаецца ўзмацненне ветру парывамі да 15—18 м/с. Тэмпература паветра ўначы складзе 6—11 градусаў, днём — ад плюс 11 градусаў да 18 цяпла.

У апошнія суткі кастрычніка, а дакладней — у начныя і ранішнія гадзіны — умовы надвор'я будуць вызначаць няўстойлівыя паветраныя масы, якія паступілі да нас з поўначы Балтыйскага мора. Значыць, ноччу ў нас месцамі па краіне невялікія дажджы. Днём з Заходняй Еўропы на тэрыторыю Беларусі распаўсюдзіць свой уплыў зона павышанага атмасфернага ціску, у сувязі з чым істотных ападкаў не прагназуецца. Месцамі па паўночным усходзе будзе ўзмацняцца вецер парывамі да 15—18 м/с. Уначы тэмпература паветра — 5—10 градусаў. Днём паветра прагрэецца да 7—14 градусаў.

Паводле папярэдніх прагнозаў айчынных сіноптыкаў, у пачатку тыдня наша тэрыторыя будзе знаходзіцца пад уплывам зоны павышанага атмасфернага ціску. Толькі ў сераду днём спакой парушыць няўстойлівая паветраная маса, «з прапіскай» у акваторыі Балтыйскага мора. Разам з тым тэмпературны фон па-ранейшаму будзе перавышаць сярэднія шматгадовыя значэнні.

У панядзелак чакаецца пераважна без ападкаў. Уначы і раніцай месцамі згусціцца туман. Тэмпература паветра ноччу будзе вагацца ад 0 да плюс 7. Днём прагназуецца 6—13 градусаў, па паўднёвым захадзе — да плюс 14—16 градусаў. У першы дзень лістапада будзе пераважна без ападкаў. У начныя і ранішнія гадзіны месцамі туман. Ноччу тэмпература паветра складзе 2—9 градусаў, а па ўсходзе халадней — ад мінус 1 да плюс 1 градуса. Максімальная тэмпература днём — 7—14 градусаў, па паўднёвым захадзе —15—18 цяпла. Яшчэ на пару градусаў цяплей — і можна казаць пра позняе бабіна лета.

Сяргей КУРКАЧ

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».