Маладыя дрэўцы, якія праз некалькі гадоў стануць адным з найпрыгажэйшых зялёных куточкаў Мінска, сёння пасадзілі міністр унутраных спраў Іван Кубракоў і яго намеснікі, прадстаўнікі цэнтральнага апарата МУС. Да такой добрай справы далучыліся курсанты Акадэміі МУС, навучэнцы Спецыялізаванага ліцэя МУС. Дапамагалі ім актыўныя мінчане на чале з памочнікам Прэзідэнта – інспектарам па Мінску Аляксандрам Барсуковым і старшынёй Мінгарвыканкама Уладзімірам Кухаравым.
Як адзначыў кіраўнік міліцэйскага ведамства, усе працавалі з добрым настроем. «Зрабіць так, каб сталіца была зялёнай і квітнеючай, — задача кожнага, — звярнуў увагу Іван Кубракоў. — Прыемна, што разам з намі працавалі будучыя супрацоўнікі: навучэнцы Спецыялізаванага ліцэя і Акадэміі МУС. Такія мерапрыемствы патрэбныя ў тым ліку для згуртавання, бо дружная каманда здольная выканаць любыя задачы».
Міністр унутраных спраў упэўнены, што гэты дзень не прайшоў дарэмна і праз некаторы час тут з задавальненнем будуць гуляць мамы з дзецьмі, моладзь, людзі старэйшага пакалення.
— Гэта добрая традыцыя ў нас у горадзе — праводзіць суботнікі і рабіць акцэнт на пасадцы дрэў. — заявіў мэр Мінска Уладзімір Кухараў — Бо гэта жыццё горада, асяроддзе, якое стварае камфорт для пражывання. Сёння высадзілі алею «Памяць пакаленняў» у год гістарычнай памяці. Прадстаўнікі розных пакаленняў сваім прыкладам паказваюць, што Беларусь памятае сваё гераічнае мінулае, продкаў, якія зрабілі ўсё для таго, каб мы былі незалежнай вольнай дзяржавай. Гэта, вядома, прыклад і для маладога пакалення, якое павінна памятаць пра тое, што Беларусь іх радзіма, у яе слаўнае гістарычнае мінулае і выбітная будучыня.
Вераніка КАНЮТА
Фота: ТГ-канал Мінгарвыканкама, прэс-служба МУС
Мерапрыемства праводзіцца на добраахвотнай аснове.
Не выявіць ні секунды абыякавасці.