Вы тут

Петрышэнка: харчаванне ў школах удасканаляць з улікам пажаданняў вучняў


У Беларусі плануюць удасканаліць харчаванне з улікам пажаданняў дзяцей. Аб гэтым заявіў намеснік прэм’ер-міністра Беларусі Ігар Петрышэнка, перадае БелТА.


«У нашых школах харчуецца вялікая колькасць дзяцей — гэта прыблізна 1,1 млн чалавек, з іх амаль 780 тыс. за кошт бюджэтных сродкаў дзяржавы. Тое, што мы арганізавалі і забяспечваем харчаванне ў такіх установах, гэта вялікае дасягненне, не ва ўсіх краінах гэта зроблена. Мы дамовіліся ўдасканальваць тэхналагічныя параметры харчавання з улікам пажаданняў нашых дзяцей. Паколькі важна, каб было разумнае спалучэнне карыснасці і колькасці тых кілакалорый, якія павінна атрымліваць дзіця ў сваёй узроставай катэгорыі», — сказаў Ігар Петрышэнка.

Віцэ-прэм’ер дадаў, што ў школьным харчаванні прадаўжаецца ўдасканаленне тэхналагічных карт. З’явілася шмат новых прадуктаў, якія выпускаюць беларускія вытворцы здаровага харчавання разам з НПЦ па харчаванні НАН Беларусі і Беларускім дзяржаўным універсітэтам харчовых і хімічных тэхналогій у Магілёве.

«Шкоднай ежы ні ў сталовых, ні ў буфетах у нас няма — гэта факт. Мы будзем і далей развівацца ў гэтым напрамку, каб выхаваць у нашых дзяцей культуру харчавання разам з педагогамі і бацькамі. У дзіцячым садзе дзеці з задавальненнем ядуць тую ежу, якая ёсць у меню. Важна, каб пасля прыёму ежы атрымліваліся мінімальныя адходы, а дзеці атрымлівалі патрэбныя прадукты. Бяспека і здароўе нашых дзяцей заўсёды на першым месцы», — рэзюмаваў Ігар Петрышэнка.

Прэв’ю: БелТА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.