Вы тут

Расповеды пра розных жанчын Беларусі пад адной вокладкай


БелТА выдала адметную публіцыстычную кнігу вядомай у краіне журналісткі, заслужанага дзеяча культуры Рэспублікі Беларусь Аліны Грышкевіч «Лёсы жанчын — лёс адзінай Беларусі». Пад адной вокладкай сабраны расповеды пра розных асоб, у кожнай з якіх свая вядомасць у грамадска-палітычным, сацыяльным, культурна-асветніцкім жыцці краіны.


Адкрывае кнігу гутарка са Cтаршынёю Савета Рэспублікі Нацыянальнага сходу Рэспублікі Беларусь Наталляй Качанавай — «Жыццёвыя каштоўнасці, матчыны ўрокі і прыярытэты». Тым, хто прыходзіць у жыццё, робіць свае першыя крокі ў прафесіі альбо яшчэ толькі разважае, у якую ВНУ паступіць, варта асабліва ўважліва прачытаць адказы аўтарытэтнага палітыка і жанчыны, якая сваімі працоўнымі здзяйсненнямі даказала наяўнасць у нашай краіне шырокіх, роўных магчымасцяў для ўсіх, хто не шкадуе сіл у працы і за пункт адліку выбірае шчырае служэнне народу і краіне. Вось якімі пытаннем і адказам завяршаецца гутарка з Наталляй Качанавай: «— Назавіце, калі ласка, тры самыя важныя, з Вашага пункту гледжання, паняцці ў жыцці».

«Мір, спакой і любоў. Чым старэйшая станаўлюся, тым больш разумею: галоўнае — каб на зямлі, дзе ты жывеш, былі мір і спакой. І, вядома ж, важная любоў: трэба любіць дзяцей, родных, блізкіх. Любіць справу, якой займаешся, людзей, з якімі сустракаешся... Але без міру нічога гэтага не будзе».

Журналістка змагла выбраць гераінь сваіх інтэрв'ю і нарысаў так, каб паказаць нашу краіну праз лёсы яркіх жанчын, кожная з якіх не толькі прайшла праз розныя няпростыя выпрабаванні, але ў кожным лёсе — частка партрэта нашай роднай Беларусі. Як і ў лёсе жыхарак нарачанскай вёскі Шкленікова Марыі Купрэвіч і Таццяны Чарняўскай. Пра іх і ўбачанае, перажытае імі, Аліна Грышкевіч расказвае ў нарысе «Дагэтуль у памяці папялішча і крыкі. Як склаліся лёсы жывых сведак нацысцкай расправы над Нараччу». Уражваюць, прымушаюць задумацца над даўнімі падзеямі Вялікай Айчыннай вайны і старонкі, прысвечаныя жыхарцы Гродна Валянціне Баранавай, — «Пайшла па блаце на фронт, брала Прагу. Гісторыя суперпазітыўнай

98-гадовай сібірачкі з Гродна». Увогуле, у кнізе шмат дзе прысутнічае Вялікая Айчынная вайна: і ў расповедзе пра Наталлю Ільніцкую («Як паспяховая бізнес-лэдзі з Брэста захоўвае памяць пра герояў вайны»), і ў нарысе пра галоўнага захавальніка фондаў Дзяржаўнага літаратурна-мемарыяльнага музея Якуба Коласа, кандыдата сацыялагічных навук Васіліну Міцкевіч («Сямейная дынастыя даўжынёй паўтара стагоддзя: пра музу Якуба Коласа і лёс яго праўнучак»).

«Роды з «каронай» і перакур цаною ў жыццё. Вядомы ўрач з Віцебска пра работу і асабістае» — Аліна Грышкевіч расказвае пра самаахвярную службу медыцыне, службу ў імя здароўя чалавека намесніка галоўнага ўрача па медыцынскай частцы Віцебскага абласнога клінічнага радзільнага дома Людмілу Адамаўну Рослік.

Кніга «Лёсы жанчын — лёс адзінай Беларусі», якая выдадзена пры падтрымцы Пасольства Кітайскай Народнай Рэспублікі ў Рэспубліцы Беларусь, а таксама ва ўзаемадзеяннні з Таварыствам дружбы «Беларусь — Кітай», Беларускім таварыствам дружбы і культурнай сувязі з замежнымі краінамі, прыйшла да чытача адразу на чатырох мовах — беларускай, рускай, англійскай і кітайскай. Несумненна, выданне ўбачаць, прачытаюць і ў іншых краінах свету. І гэта дазволіць адчуць, зразумець сутнасць многіх складнікаў у будаўніцтве нашай краіне, зразумець значэнне і ролю жанчыны ў фарміраванні лёсу нашай Айчыны, вызначэнні яе духоўных, маральных прыярытэтаў.

Кастусь ЛАДУЦЬКА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.