Вы тут

Юбілейная выстава «ІнтэрСтыль» у Мінску стала святам прафесіяналаў прыгажосці і стылю


У сталіцы з 9 па 11-га лістапада адбываецца адна з лепшых у Беларусі падзей у індустрыі прыгажосці і візажу — XX міжнародная выстава прыгажосці і здароўя «InterStyle-2022». Штогод мерапрыемства яднае самых перадавых майстроў візажу, цырульнікаў, касметолагаў стылістаў, дызайнераў, мадэльераў і мадэлей і, безумоўна, бізнэсоўцаў у сферы прыгажосці і здароўя.


Падчас выставы можна набыць практычна ўсё для стварэння свайго стылю і падтрымання сваёй прыгажосці і здароўя ад прафесіяналаў, а таксама прыняць удзел у шматлікіх майстар-класах і форумах па візажу, пафатаграфавацца ў цікавых фотазонах, а ў гэтым годзе — пабачаць паказ калекцый адзення «Цэнтру моды» ад агенцтва мадэлей «Студыя. Тамара».

Не менш цікавай заўсёды з’яўляецца і творчая састаўляючая выставы: тут адбываюцца Чэмпіянат РБ «Стыль і прыгажосць — 2022» і міжнародны фестываль прыгажосці «Ружа вятроў HAIR-2022». Штогод конкурсы ўражваюць кожнага госця майстэрствам удзельнікаў, а яшчэ больш — іх неабмежаваным крэатывам і фантазіяй у стварэнні вобразаў у самых разнастайных стылях.

Наведванне спаборніцтваў чэмпіянату часам пераўтвараецца ў вандроўку ў свет фантастычных, міфалагічных, жахлівых і вельмі модных зараз анімэ- ды K-pop вобразаў і абавязкова рэінкарнацыю стыля вулічнай субкультурнай і папулярнай моды Савецкага саюзы 80-90ых. Не абыходзіцца і без спаборніцтваў у больш камерцыйных намінацыях вячэрніх і вясельных прычосак і вобразаў, і нават hair-tattoo.

Штогод тут на адной пляцоўцы можна сустрэць юніёраў з дзяржаўных і прыватных навучальных устаноў і прафесіяналаў, якіх судзяць лепшыя спецыялісты, аб’яднаныя ідэяй прафесійнага стварэння вытанчанай прыгажосці і вобразаў.

У гэтым годзе са сваёй прадукцыяй упершыню на выставу прыехалі госці з Масквы і Варонежу. Пазнаёміцца з самай разнастайнай прадукцыяй наведвальнікі могуць у Футбольным манежы з 11-тай да 19-тай гадзіны.

Аляксей СТАЛЯРОЎ

Фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?