Урачыстыя мерапрыемствы адбыліся каля помніка супрацоўнікам органаў унутраных спраў і ўнутраных войск МУС, якія загінулі пры выкананні службовага і воінскага абавязку.
— Хачу выказаць словы падзякі за вашу шматгадовую працу, за той фундамент, які вы заклалі для будучых пакаленняў, — звярнуўся да ветэранаў міністр унутраных спраў генерал-лейтэнант міліцыі Іван КУБРАКОЎ. — Сёння тут знаходзяцца тыя людзі, якія выхавалі шмат дастойных міліцыянераў. Паважаныя калегі, дзякуй вам за тое, што заўсёды застаяцеся з намі ў адным страі, за тое, што не кідаеце сваіх калег, заўсёды аказваеце дапамогу.
Кіраўнік міліцэйскага ведамства ўручыў узнагароды актывістам ветэранскага руху. Адбылася перадача сцяга Беларускай грамадскай арганізацыі ветэранаў органаў унутраных спраў і ўнутраных войск ветэранскай арганізацыі Цэнтра падрыхтоўкі, павышэння кваліфікацыі і перападрыхтоўкі кадраў МУС.
Прысутныя ўсклалі кветкі да помніка супрацоўнікам органаў унутраных спраў і ўнутраных войск МУС, якія загінулі пры выкананні службовага і воінскага абавязку. Завяршылася цырымонія хвілінай маўчання.
Вераніка КАНЮТА
Фота прэс-службы МУС
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».