Вы тут

70 гарадоў і 250 сеансаў. «Лістапад» падвёў вынікі


У апошні дзень фестывальнага тыдня аргкамітэт правёў прэс-канферэнцыю, падчас якой былі падведзены вынікі сёлетняга «Лістапада». Сярод галоўных адметнасцяў конкурсу — шматлікія паказы ў рэгіёнах, падпісаныя пагадненні аб супрацоўніцтве з іншымі краінамі, а таксама вяртанне да вытокаў, распавёў генеральны дырэктар «Беларусьфільма» Уладзімір Карачэўскі:


— Наш фестываль прайшоў па ўсёй краіне: стужкі былі прадстаўлены ў 70 гарадах. Толькі ў рэгіёнах прайшло 250 сеансаў, у Мінску — каля 60. У рамках «Лістапада», акрамя конкурснай праграмы, былі паказаны фільмы з «Залатой калекцыі», таксама адбыліся прэм'еры. Да нас ужо прыходзяць запрашэнні да ўдзелу ў розных фестывалях: нам прапануюць правесці Дні беларускага кіно ў рамках «Арктычнага фестывалю», што праходзіць на Чукотцы. Падчас правядзення «Лістапада» былі заключаны дзелавыя пагадненні. Мы дамовіліся з каналам «Культура» аб шчыльным супрацоўніцтве, а таксама падпісалі пагадненне з кампаніяй «Лендок» аб рабоце над сумесным фільмам, прысвечаным 100-годдзю беларускага кіно.

Дырэктар «Беларусьфільма» адзначыў, што конкурснае журы было прыемна здзіўлена пітчынгам маладзёжных работ: студэнты прадставілі сваі ідэі на годным, дарослым узроўні. Таксама ў рамках фестывалю прайшло шмат майстар-класаў, падчас якіх спецыялісты з розных краін распавядалі ўсім ахвотным аб анімацыі, кінарэжысуры, гуказапісе і прадзюсарстве. «Лістапад» адзначыўся і шырокай геаграфіяй: свае фільмы прадставілі кінематаграфісты Заходняй Еўропы, Бліжнягя Усходу, Паўднёва-Усходняй Азіі, Афрыкі і краін СНД. А на самім фестывалі прысутнічала каля 100 гасцей. Ад імя арганізатараў і ўдзельнікаў «Лістапада» Уладзімір Карачэўскі выказаў падзяку Прэзідэнту нашай краіны за падтрымку фестывалю, а таксама за дапамогу ў яго развіцці.

Старшыня фестывалю, народны артыст Беларусі Аляксандр Яфрэмаў звярнуў увагу на тое, што «Лістапад» усё больш вяртаецца да ўласных вытокаў:

— Галоўная задача, якую мы ставілі перад сабой, — атрымаць уласнага гледача. І ў нас гэта атрымалася. Праграма фестывалю была накіравана на тое, каб сказаць нашым гледачам: варта жыць, спадзявацца, кахаць. На мой погляд, сёлетні «Лістапад» гэту задачу выканаў.

У наступным нумары «Звязда» распавядзе аб пераможцах конкурсу.

Арына КАРПОВІЧ

Прэв’ю: БелТА

Загаловак у газеце: «Лістапад» вяртаецца да вытокаў

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.