У актавай зале арганізацыі адбылася цырымонія ўручэння работнікам членскіх білетаў Рэспубліканскага грамадскага аб’яднання «Белая Русь».
Намеснік генеральнага дырэктара па ідэалогіі Вячаслаў Дуброўскі нагадаў удзельнікам мерапрыемства пра важнасць грамадскай працы і выказаў упэўненасць у актыўным удзеле першаснай арганізацыі РГА «Белая Русь» у вырашэнні задач, пастаўленых перад прадпрыемствам.
Старшыня Фрунзенскай раённай арганізацыі г.Мінска РГА «Белая Русь» Ігар Цімашышын уручыў членскія білеты і сувеніры зноў прынятым членам аб’яднання.
— Сёння нашыя шэрагі папоўнілі шэсцьдзесят два члена першаснай арганізацыі ВКУП «Мінскзелянбуд». Сімвалічна, што сённяшняе мерапрыемства прайшло напярэдадні пятнаццацігоддзя з дня ўтварэння РГА «Белая Русь». Работнікі прадпрыемства праявілі сваю грамадзянскую пазіцыю і ўступілі ў наша аб’яднанне, сярод іх ёсць і маладыя людзі, і людзі сярэдняга і старэйшага ўзростаў. Галоўнае, што іх аб’ядноўвае — гэта пабудова незалежнай, моцнай і квітнеючай Беларусі.
«Першасная арганізацыя прадпрыемства была створана ў 2008 годзе, і ўсе гэтыя годы яна актыўна ўдзельнічае ў грамадскім жыцці раёна. Кіраўніцтва ПКУП „Мінскзелянбуд“ стварыла ўмовы для дзейнасці першаснай арганізацыі, і вынікі яе працы не прымушаюць сябе доўга чакаць», — падкрэсліў Ігар Цімашышын.
Віктар ІВАНЧЫКАЎ
Фота аўтара
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
