Шоу «Я з вёскі» стартавала на тэлеканале «Беларусь 2» яшчэ ў кастрычніку. Першыя выпускі з ходу захапілі ўвагу гледачоў, аднак аўтары абяцаюць, што ўвесь дэбютны сезон будзе захапляльны ад пачатку і да канца.
Новы каларытны праект знаёміць з беларусамі, якія свядома прамянялі горад на жыццё ў вёсцы, паверылі ў сябе і, пераадольваючы ўсе перашкоды, дасягнулі высокіх вынікаў у любімай справе. «Кожны тыдзень мы распавядаем пра тых, хто фарміруе новы вобраз беларускай вёскі. І, насуперак стэрэатыпам, мы пераканаліся: часцей за ўсё туды пераязджаюць вельмі паспяховыя людзі і зарабляюць там часта нават больш, чым айцішнікі», — адзначае аўтар і рэжысёр праекта Герман Малышыцкі.
Цікава, што вядучым праекта стаў карэнны мінчанін Васіль Чэхаў. Ён разам са здымачнай групай ездзіць у госці да герояў праграмы і ў іх кампаніі спазнае тонкасці вясковага побыту, працы. Так, напрыклад, яго ўжо навучылі вычэсваць вярблюда, ён упершыню падаіў карову, пакасіў сапраўднай касой і спасціг майстэрства колкі дроў. Але гэта толькі пачатак. І ў новых выпусках гледачоў чакаюць натхняльныя гісторыі іх герояў, якія ўмеюць зарабляць на любімай справе, гатовыя рызыкаваць і змагацца за свае мары і мэты да апошняга. Кожны выхад шоу — захапляльная вандроўка, якая дапамагае адказаць на пытанне: чаму сучасныя маладыя людзі імкнуцца жыць у вёсцы? Глядзіце праект «Я з вёскі» на «Беларусь 2» па нядзелях днём — і пераканайцеся ў тым самі.
Алена ДРАПКО
Летась у краіне адбылося 5958 пажараў, на якіх загінулі 627 чалавек.
Расказала ўрач-тэрапеўт, загадчык аддзялення прафілактыкі 11-й гарадской паліклінікі Мінска Святлана ЯНУШКА.
Гiсторыя паралiмпiйскага спорту — паказчык развiцця краiны.
Інтэрв’ю з капітанам каманды «Доктар Хаусс» Паўлам Малахавым.
