У Светлагорскім раёне завяршыліся «Дажынкі» для работнікаў сельгаспрадпрыемства МУС «Хутар-Агра». У цырымоніі ўзнагароджання найлепшых супрацоўнікаў гаспадаркі прыняў удзел міністр унутраных спраў Іван Кубракоў.
— «Хутар-Агра» знаходзіцца ў нашым ведамстве пяты год і ўвесь час развіваецца, — адзначыў кіраўнік міліцэйскага ведамства. — Людзі ў гэтай гаспадарцы працуюць аддана і з душой. Хачу падзякаваць кожнаму работніку за высакародную справу. МУС і аграрыі зацікаўлены ў супрацоўніцтве: для праваахоўнікаў гэта ў першую чаргу забеспячэнне прадуктамі ўстаноў крымінальна-выканаўчай сістэмы, для гаспадаркі — гарантаваныя рынкі збыту".
У гаспадарцы функцыянуюць дзве малочнатаварныя фермы і два жывёлагадоўчыя комплексы. Усяго тут утрымліваецца звыш 2,5 тысяч галоў буйной рагатай жывёлы, з іх дойнага статка — больш за 700 галоў. Наладжана лінія па вытворчасці камбікармоў, функцыянуе цэх па вытворчасці мясных паўфабрыкатаў з ялавічыны і бараніны. Ёсць перспектыва і ў развіцці авечкагадоўлі. У цяперашні час на ферме ўтрымліваюць каля 500 галоў. Акрамя мяса, авечкі даюць шкуры і поўсць.
Адно з новых напрамкаў дзейнасці прадпрыемства — пчалярства — таксама прыносіць добрыя вынікі. Хутарскі мёд славіцца сваёй якасцю далёка за межамі райцэнтра. У гаспадарцы даюць шанец на выпраўленне людзям, якія спатыкнуліся. Тут працуе больш за сто грамадзян са светлагорскага ЛПП, падапечныя крымінальна-выканаўчай інспекцыі з мясцовага райаддзела міліцыі. Важна, што пры жаданні яны могуць застацца працаваць у гаспадарцы пасля зняцця з уліку. Гэтая магчымасць дапамагла многім зрабіць упэўненыя крокі на шляху да новага жыцця.
Вераніка КАНЮТА
Фота прэс-службы МУС
Думаць пра тое, чым харчуецца ваша дзіця ў школе, гэтак жа важна, як і пра тое, якім прадметам яго там вучаць.
Адной з найбольш даступных і захапляльных моў дыпламатыі з'яўляецца спорт.
Міжнародны дзень тэатра добра было б адзначыць у глядзельнай зале.
Разбіраемся разам з урачом па медыцынскай прафілактыцы.
