Вы тут

Андрэйчанка: «Другарадных пытанняў не бывае»


Пытанні атрымання медыцынскай дапамогі, набыцця жылля і мадэрнізацыі лініі электраперадачы разгледзеў на асабістым прыёме грамадзян у Глыбокім старшыня Палаты прадстаўнікоў Нацыянальнага сходу Уладзімір Андрэйчанка, перадае БелТА.


Фота: БелТА

Прыём грамадзян пачаўся з падзяк ад жыхароў раёна, якія раней звярталіся з пытаннямі да Уладзіміра Андрэйчанкі. Ад усіх жыхароў вёскі Мнюта Глыбоцкага раёна спікеру падзякаваў Антон Мацкевіч за з’яўленне новай добрай дарогі. Па графіку яе планавалі будаваць толькі ў 2024 годзе, але пасля асабістага звароту ў лістападзе мінулага года да старшыні Палаты прадстаўнікоў тэрміны перагледзелі. «Уладзімір Паўлавіч пасадзейнічаў, каб перанеслі на вясну — пачатак лета 2022 года. І пытанне наша вырашана. Дарога была вельмі старая, праходзіць праз цэнтр населеных пунктаў. Дарога транзітная, вядзе ў суседні Шаркаўшчынскі раён, таму па ёй заўсёды кругласутачна ажыўлены рух. І гэта была бяда не толькі жыхароў нашай вёскі, але і суседніх», — адзначыў Антон Мацкевіч.

У Глыбокае на асабісты прыём грамадзян да спікера прыехалі жыхары як Віцебскай, гэтак і Магілёўскай абласцей. Адразу два пытанні датычыліся атрымання медыцынскай дапамогі. Грамадзяне прасілі аказаць садзейнічанне ў правядзенні аперацый па замене тазасцегнавых і каленнага суставаў. Уладзімір Андрэйчанка адказаў, што накіруе пісьмо ў РНПЦ траўматалогіі і артапедыі. Пытанні вырашаць на месцы.

Галава шматдзетнай сям’і з Глыбокага звярнуўся па дапамогу ў пытанні набыцця жылля. Цяпер яны ўсямёх жывуць у аднапакаёвай арэнднай кватэры, якая знаходзіцца на балансе ЖКГ. Плануюць набыць сваё жыллё з прыцягненнем крэдыту, але па розных прычынах працэс узгадненняў і падрыхтоўкі дакументаў зацягнуўся. Уладзімір Андрэйчанка даручыў аказаць садзейнічанне і да новага года праінфармаваць аб ходзе выканання даручэння.

Жыхарка Оршы доўгі час спрабуе дабіцца зносу фундамента, які пабудаваны суседам і заходзіць на яе зямельны ўчастак. Першапачаткова фундамент прызналі самавольнай незаконнай пабудовай, затым — этапам падрыхтоўкі да рэканструкцыі дома. Жанчына спрабавала вырашыць пытанне спачатку з дапамогай раённага, а затым і абласнога выканаўчага камітэта, але пасля перапіску з ёй спынілі, а пытанне засталося нявырашаным. Старшыня Палаты прадстаўнікоў распарадзіўся ўжо на наступны дзень выпрацаваць алгарытм дзеянняў і разабрацца ў сітуацыі.

Свяшчэннік з вёскі Пліса Глыбоцкага раёна звярнуўся па садзейнічанне ў мадэрнізацыі існуючай лініі электраперадачы для далейшага стварэння сістэмы ацяплення ў храме. Гэтым пытаннем па просьбе спікера зоймецца кіраўніцтва санаторыя з аднайменнай назвай. Уладальнік будаўнічага прадпрыемства з Дрыбіна Магілёўскай вобласці расказаў, што падатковыя службы правяраюць яго бізнес ужо больш за год і папрасіў на гэта звярнуць увагу. Уладзімір Андрэйчанка паабяцаў абмеркаваць пытанне і яго вырашэнне з Міністэрствам па падатках і зборах.

«У час прыёму заўсёды да разгляду пытанняў падыходжу з такога пункту гледжання: другарадных не бывае. Усе яны важныя, іх трэба вырашаць, таму што час сёння няпросты, асабліва што датычыцца контуру Рэспублікі Беларусь. Нам, органам улады, у гэты час трэба быць бліжэй да людзей і спрабаваць знайсці рашэнне. Для гэтага ёсць усе магчымасці, таму што ў рэспубліцы выбудавана сістэма разгляду зваротаў грамадзян, пачынаючы ад парламента да сельскага савета, ад Прэзідэнта, урада і да кожнага прадпрыемства. І за ўсімі даручэннямі ўстаноўлены строгі кантроль, персанальная адказнасць. Гэта вельмі важная форма работы з грамадзянамі. Увесь гэты тыдзень дэпутаты Палаты прадстаўнікоў працуюць у акругах», — адзначыў Уладзімір Андрэйчанка.

Выбар рэдакцыі

Культура

Любоў Чаркашына: Мой стыль жыцця — не факусіравацца на дрэнным!

Любоў Чаркашына: Мой стыль жыцця — не факусіравацца на дрэнным!

Аб спорце, сакрэтах замужжа, выхаванні дзяцей, прыгажосці і здаровых звычках ў інтэрв’ю. 

Культура

Народны мастак Беларусі Леанід Шчамялёў: чалавек, паранены прыгажосцю

Народны мастак Беларусі Леанід Шчамялёў: чалавек, паранены прыгажосцю

Народны мастак можа быць прыкладам у тым, як ствараць свой лёс.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​