Вы тут

Пасяджэнне Камісіі па культуры саюзнага парламента прайшло ў Мінску


Нацыянальны мемарыяльны комплекс Храм усіх святых 24 лістапада стаў пляцоўкай для абмеркавання пытанняў культуры, навукі і адукацыі. Удзельнікамі сустрэчы сталі дэпутаты Парламенцкага сходу Саюза Беларусі і Расіі. Галоўнай тэмай пасяджэння камісіі стала рэалізацыя і правядзенне культурных мерапрыемстваў Саюзнай дзяржавы. 


Як распавёў старшыня Камісіі Парламенцкага Сходу па культуры, навуцы і адукацыі Мікалай Бурляеў, у Расіі 21 лістапада быў заснаваны грамадскі рух «Культурны фронт Расіі», у цэнтральны штаб якога ўвайшлі многія вядомыя грамадскія і культурныя дзеячы. Сярод якіх Юрый Башмет, Захар Прылепін, Андрэй Канчалоўскі, а таксама старшыні ўсіх творчых саюзаў Расіі. 

— Асноўнай мэтай нашай Камісіі з’яўляецца яднанне сіл у галіне культуры. Наш прынцып — гэта завяшчанне Сергія Раданежскага: любоўю і яднаннем выратуемся. Гэта выключна пазапартыйная арганізацыя, таму што ў яе ўваходзяць самыя розныя людзі. Мы таксама плануем стварыць фонд, які будзе падтрымліваць культурных дзеячоў, — адзначыў Мікалай Бурляеў. 

Па словах старшыні Камісіі Парламенцкага Сходу па культуры, навуцы і адукацыі, у наступным годзе ў Маскве адбудзецца маштабны славянскі форум «Залаты Віцязь» —кангламерацыя ўсіх відаў мастацтва, удзел у якім возьмуць і беларускія творцы:

— Мы правядзем пяць поўнамаштабных форумаў па кіно, тэатры, музыцы, літаратуры і жывапісе. У Беларусі праводзіцца «Славянскі базар у Віцебску», які займае сваю нішу і мае аўтарытэт. Але нейкае ўраўнаважванне з гэтага часу будзе і ў Расіі — у Маскве будзе пастаянна дзейны форум мастацтваў. 

У сваю чаргу намеснік старшыні Камісіі Парламенцкага Сходу па культуры, навуцы і адукацыі Анатоль Шчасны звярнуў увагу на тое, што падчас пасяджэння быў вырашаны шэраг працэдурных аспектаў, абмеркаваны планы на будучыню і разгледжаны пытанні партнёрства Парламенцкага сходу Беларусі і Расіі: 

— Адно з пытанняў — партнёрства Парламенцкага сходу Саюза Беларусі і Расіі і Парламенцкай асамблеі АДКБ. Гэта пытанне разглядалася на сесіі і сёння — у камісіі. Тым больш наш Прэзідэнт учора вельмі дакладна сфармуляваў тыя прыярытэты, якія бачыць краіна як старшыня гэтай арганізацыі, — адзначыў Анатоль Шчасны.

Таксама плануецца, што духоўна-асветніцкая канферэнцыя «Пакроўскія сустрэчы ў Полацку», якая неаднаразова праводзілася, зараз будзе праходзіць пад эгідай Камісіі па культуры, навуцы і адукацыі.

Падчас пасяджэння ўдзельнікамі былі абмеркаваны планы па рэалізацыі фестываля «Творчасць юнакоў» і фестываля творчасці людзей з інваліднасцю «Разам мы сможам больш». 

Арына КАРПОВІЧ

Фота Лізаветы ГОЛАД

Выбар рэдакцыі

Грамадства

Бутэляваная, калодзежная, з-пад крана… Як у краіне вырашаюць праблему чыстай пітной вады

Бутэляваная, калодзежная, з-пад крана… Як у краіне вырашаюць праблему чыстай пітной вады

Сёння ў Беларусі крыху больш за 800 населеных пунктаў яшчэ не маюць якаснай вады.

Эканоміка

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Як вядома, з 23 студзеня ў нас змянілася стаўка рэфінансавання.

Грамадства

Яраслаў Іваноў: Падчас «Студэнта года» я прайшоў каласальны шлях

Яраслаў Іваноў: Падчас «Студэнта года» я прайшоў каласальны шлях

Аб тым, якія эмоцыі адчуў, калі зразумеў, што перамог.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​