Супрацоўнікі ДАІ ў Бабруйску правялі перад мясцовымі жыхарамі паказальны эксперымент

Супрацоўнікі Дзяржаўтаінспекцыі Бабруйска правялі перад мясцовымі жыхарамі паказальны эксперымент у цяперашніх умовах надвор’я, перадае БелТА.

У ходзе праведзенага мерапрыемства наглядна можна было пераканацца, што аўтамабіль з летняй гумай пры разгоне і рэзкім тармажэнні ва ўмовах галалёдзіцы менш кіруемы, чым аўто з зімовай гумай, а таксама мае нашмат большы тармазны шлях.

Праваахоўнікі звярнуліся да жыхароў горада з просьбай не чакаць 1 снежня і «пераабуць» свае аўтамабілі на зімовую гуму загадзя, а пешаходам быць асабліва асцярожнымі пры пераходзе праезнай часткі дарогі, пераканацца ў бяспецы выхаду і не забываць пазначаць сябе святлоадбівальнымі элементамі, звярнуўшы ўвагу на тое, што лепш выкарыстоўваць нарукаўныя святлоадбівальныя павязкі.

Міліцыянеры ўручылі кіроўцам прафілактычныя ўлёткі з карыснымі парадамі па эксплуатацыі аўтамабіля ў зімовых умовах.

Прэв’ю: pixabay.com