На сталічнай «Чыжоўка-Арэне» завяршыўся 19-ы Міжнародны турнір па боксе памяці Героя Савецкага Саюза Віктара Лівенцава, паведамілі БелТА ў прэс-службе НАК.
Удзел у турніры прынялі наймацнейшыя Беларускія баксёры, а таксама прадстаўнікі Расіі, Узбекістана, Арменіі, Афганістана і Конга. Па выніках спаборніцтваў наша каманда заваявала 20 медалёў: 6 залатых, 5 сярэбраных і 9 бронзавых. Уладальніцамі ўзнагарод вышэйшай пробы ў дзяўчат сталі Яна Бурым (да 50 кг), Юлія Апанасовіч (да 52 кг) і Вікторыя Кебікава (да 81 кг), у мужчынскіх спаборніцтвах перамаглі Вадзім Волчак (да 63,5 кг) і Аляксей Алфёраў (да 86 кг).
Сярэбранымі прызёрамі турніру сталі нашы Дар’я Лецка, Арына Данільчык, Аліна Вэбер, Аляксей Кокцікаў і Мікіта Нагорны. На трэцюю прыступку п’едэстала гонару падняліся Крысціна Цыркунова, Вікторыя Тэлеман, Дзяніс Салоцкіх, Уладзіслаў Смалоўскі, Дзмітрый Балькоў, Артур Туніеў, Дзмітрый Дзяшкевіч, Аляксандр Радзівонаў і Віталь Астанін.
На рахунку расійскіх спартсменаў 7 залатых медалёў, у каманды Узбекістана — 6, таксама адно золата ў актыве зборнай Арменіі.
Прэв’ю: БелТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.