На фотавыставе пад назвай «Рэпартаж з мінулага стагоддзя» прадстаўлены ўнікальныя плёнкавыя фатаграфіі протаіерэя Паўла Валынцэвіча. Аўтар здымкаў быў вельмі рознабаковай асобай. Апроч таго, што 65 гадоў свайго жыцця аддаў пастырскаму служэнню, ён таксама займаўся пчалярствам, пісаў абразы, карціны, вывучаў прыродазнаўчыя навукі, сабраў вялікую бібліятэку, да якой мелі доступ усе прыхаджане. Але ж адным з асноўных захапленняў Паўла Валынцэвіча была фатаграфія.
Першыя фотаздымкі аўтара датуюцца 1900-м годам. Каля 50 гадоў ён адлюстроўваў людзей, гістарычныя падзеі. Усяго ў фотакалекцыі протаіерэя больш за 300 здымкаў. Варта адзначыць, што ён самастойна праяўляў плёнкі і друкаваў фотаздымкі.
На экспазіцыі ў БДУ прадстаўлена больш за 30 алічбаваных фатаграфій. Усе яны зроблены з аўтэнтычных негатываў, таксама тут ёсць адсканаваныя копіі арыгінальных плёначных здымкаў з сямейных альбомаў. На фатаграфіях можна назіраць паўсядзённае жыццё сям’і протаіерэя і яго прыхаджан. Таксама тут ёсць віды вёсак і мястэчкі, дзе служыў айцец Павел, святочныя гулянні беларусаў, хросныя хады, пейзажы.
Наведаць выставу можна да 21 снежня.
Лізавета ГОЛАД
Фота аўтара
Разбіраемся разам з урачом па медыцынскай прафілактыцы.
Набіраюць абароты махлярскія дзеянні з удзелам дзяцей.
Ужо традыцыя з нагоды Дня роднай мовы прапаноўваць чытачам праверыць свае веды.
