Вы тут

Рост ВУП 103,8%, экспарту 105,5%


Кіраўнік дзяржавы Аляксандр Лукашэнка 28 лістапада падпісаў указ № 411, якім зацверджаны найважнейшыя параметры прагнозу сацыяльна-эканамічнага развіцця Беларусі на 2023 год, паведамілі ў прэс-службе беларускага лідара.


Фота: БелТА.

У прыватнасці, рост валавога ўнутранага прадукту запланаваны ў памеры 103,8% да ўзроўню бягучага года, рэальных наяўных грашовых даходаў насельніцтва — 104,1%, інвестыцый у асноўны капітал — 122,3%, экспарту тавараў і паслуг — 105,5%.

Для дасягненні найважнейшых параметраў урад зацвердзіць план на 2023 год. У ім будуць сканцэнтраваныя ўсе меры і рэсурсы, неабходныя для бесперабойнай і эфектыўнай працы арганізацый ва ўмовах санкцый, а таксама для павышэння ўзроўню жыцця насельніцтва.

Галоўнай крыніцай росту эканомікі ў наступным годзе стане нарошчванне інвестыцый у асноўны капітал. Інвеставаць мяркуецца па трох асноўных напрамках.

У будаўніцтва жылля і інфраструктуры да яго — на суму Br7,7 млрд. будзе пабудавана 4,3 млн кв. м жылля, у тым ліку 1,3 млн кв. м з дзяржаўнай падтрымкай, арэнднага жылля — не менш за 735 тыс. кв. м.

У стварэнне і развіццё інфраструктуры ў рэгіёнах інвестыцыі складуць Br7, 9 млрд. запланавана будаўніцтва 17 дзіцячых дашкольных устаноў, 9 устаноў агульнай сярэдняй адукацыі, 22 фізкультурна-аздараўленчых комплексаў, 7 басейнаў, 21 спартыўнага аб’екта, 46 аб’ектаў аховы здароўя, 22 мастоў і пуцеправодаў на рэспубліканскіх аўтамабільных дарогах, 30 — на мясцовых.

У інвестыцыйныя праекты і тэхнічнае перааснашчэнне будзе ўкладзена Br31,2 млрд. прадугледжана рэалізацыя 129 інвестпраектаў, 14 інтэграцыйных праектаў, 51 вытворчага імпартазамяшчальнага праекта.

Для дасягнення прагназуемага росту эканомікі ў 2023 годзе экспарт запланаваны ў памеры $47,7 млрд пры тэмпах росту 105,5 працэнта.

Страты экспарту ў краіны Захаду і Украіну трэба будзе кампенсаваць за кошт нарошчвання прысутнасці на рынках Расіі, КНР, краін Блізкага Усходу, Цэнтральнай Азіі і Афрыкі.

Прадугледжваецца павелічэнне аб’ёму паставак у Расію на 6,5%, КНР — на 15%, краіны Афрыкі — на 10%.

У выніку станоўчае сальда знешняга гандлю складзе $1,6 млрд. Гэта забяспечыць збалансаванасць плацежнага балансу, акажа станоўчы ўплыў на падтрыманне эканамічнай бяспекі краіны на належным узроўні.

У цэлым па эканоміцы намінальная налічаная сярэднямесячная заработная плата складзе Br1938, у бюджэтным сектары — Br1454.

Выбар рэдакцыі

Грамадства

Бутэляваная, калодзежная, з-пад крана… Як у краіне вырашаюць праблему чыстай пітной вады

Бутэляваная, калодзежная, з-пад крана… Як у краіне вырашаюць праблему чыстай пітной вады

Сёння ў Беларусі крыху больш за 800 населеных пунктаў яшчэ не маюць якаснай вады.

Эканоміка

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Як вядома, з 23 студзеня ў нас змянілася стаўка рэфінансавання.

Грамадства

Яраслаў Іваноў: Падчас «Студэнта года» я прайшоў каласальны шлях

Яраслаў Іваноў: Падчас «Студэнта года» я прайшоў каласальны шлях

Аб тым, якія эмоцыі адчуў, калі зразумеў, што перамог.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​