Вы тут

Як «ніткі» дабрыні і спагады звязваюць беларусаў


Дзясяткі неабыякавых людзей з розных куткоў Беларусі падтрымалі кранальную ініцыятыву педагогаў і навучэнцаў Гомельскага медыцынскага каледжа. Разам яны вяжуць малюсенькае шарсцяное адзенне і першыя цацкі для немаўлят, якія нарадзіліся раней належнага тэрміну.


Год таму ў Гомельскім медыцынскім каледжы была аб’яўлена дабрачынная акцыі «Штонікі для спяшонікаў» («Штанишки для торопыжек»). Яе ініцыятарам стала намеснік дырэктара па вучэбна-выхаваўчай рабоце Гомельскага дзяржаўнага медыцынскага каледжа Ларыса Кавалеўская. Ларыса Вітальеўна пачала сама і паказала прыклад усім ахвотным — педагогам і навучэнцам, як вязаць камплекты, малыя для некаторых лялечных пупсаў, — але такія неабходныя для немаўлят, што нарадзіліся з крытычна малой масай цела.

— Дзеці, якія з’явіліся раней тэрміну, схільны праводзіць амаль увесь час як бы ў забыцці, – расказваюць аб важнасці вязаных рэчаў для дзетак гомельскія медыкі. – Рэчы з натуральнай ваўнянай пражы ўздзейнічаюць на рэфлекторныя зоны цела немаўляці. Гэта нясе танізуючае, агульнаўмацавальнае ўздзеянне і спрыяе росту і развіццю дзіцяці.

Для ўдзельнікаў дабрачыннай акцыя вязанне камплектаў — гэта яшчэ і магчымасць падтрымаць сем’і, якія сутыкнулася з нараджэннем дзіця раней тэрміну. 

Летась педагогі і навучэнцы перадалі звязаныя камплекты для немаўлят у Гомельскую абласную дзіцячую клінічную бальніцу. Але акцыя не толькі не збавіла абароты, але і заахвоціла падтрымаць дабрачынную ініцыятыву гомельскіх медыкаў жыхароў розных гарадоў краіны. 

— Наладзілі сувязь з вязальшчыкамі з Мінска, Мар’інай Горкі, іншых гарадоў. Хтосьці перадае пражу, а хтосьці — не толькі гатовыя камплекты адзення, але і звязаныя цацкі-васьміножкі, вядомыя як тактыльная замена пупавіны, што дапамагае супакойвацца немаўляці, — адзначае педагог-псіхолаг Гомельскага дзяржаўнага медыцынскага каледжа Марыя Камарова. — У акцыі з вялікім задавальненнем працягваюць прымаць удзел нашы навучэнцы. Напрыклад, Ліза Носар перадала некалькі пледыкаў, якія дзяўчына звязала разам са сваёй мамай, дарэчы, былой выпускніцай нашай навучальнай установы. Падтрымліваюць акцыю і людзі, якія не могуць вязаць, але вельмі жадаюць зрабіць штосьці добрае, паспачуваць. 

Так, другі год вязальшчыцам Гомельскага медкаледжу пражу для маленькага адзення перадае невядомы спонсар акцыі — малады чалавек позна вечарам пакідае пакункі з ніткамі на вахце каледжа. 

— Цяпер да нашай дабрачыннай ініцыятывы падключыліся і супрацоўнікі гомельскіх аптэк. Яны вырашылі падтрымаць мамачак немаўлят гігіенічнымі сродкамі, неабходнымі для самых маленькіх, — дадае педагог-псіхолаг Марыя Камарова. 

Між тым, днямі выкладчыкі і навучэнцы Гомельскага медкаледжа перадалі амаль 150 звязаных рэчаў для маленькіх пацыентаў радзільнага аддзялення Гомельскай гарадской клінічная бальніца № 3 і абласнога клінічнага радзільнага дома. 

Наталля КАПРЫЛЕНКА

Фота: Гомельскі дзяржаўны медыцынскі каледж

Выбар рэдакцыі

Грамадства

Бутэляваная, калодзежная, з-пад крана… Як у краіне вырашаюць праблему чыстай пітной вады

Бутэляваная, калодзежная, з-пад крана… Як у краіне вырашаюць праблему чыстай пітной вады

Сёння ў Беларусі крыху больш за 800 населеных пунктаў яшчэ не маюць якаснай вады.

Эканоміка

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Як вядома, з 23 студзеня ў нас змянілася стаўка рэфінансавання.

Грамадства

Яраслаў Іваноў: Падчас «Студэнта года» я прайшоў каласальны шлях

Яраслаў Іваноў: Падчас «Студэнта года» я прайшоў каласальны шлях

Аб тым, якія эмоцыі адчуў, калі зразумеў, што перамог.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​