Аўтамабіль «Ніва Шэўрале» быў прыпаркаваны ў двары прыватнага дома і загарэўся позняй ноччу. У выніку пажару транспартны сродак быў цалкам знішчаны. Сума ўрону склала 25 тысяч рублёў. Як устанавілі эксперты, полымя ўзнікла не выпадкова, а з-за падпалу, паведамляе падрабязнасці УУС Віцебскага аблвыканкама.
Пошукамі начных піраманаў заняліся супрацоўнікі крымінальнага вышуку УУС, а таксама іх мясцовыя калегі. У выніку карпатлівай работы міліцыянерамі былі ўстаноўлены двое падазраваных у здзяйсненні злачынства. Імі аказаліся непрацуючыя мужчыны. Адзін з іх — 37-гадовы жыхар райцэнтра, а другі з Горацкага раёна, яму 52 гады.
Высветліліся і абставіны здарэння. Зламыснікі распівалі спіртное, калі падчас застолля гаворка зайшла аб агульным знаёмым. Прыяцелі вырашылі, што той вядзе непрыстойны лад жыцця і яго трэба за гэта пакараць. Разам яны прыйшлі да дома пацярпелага і пералезлі цераз плот.
Выявіўшы аўтамабіль, аршанец падпаліў яго і з прыяцелем пакінуў месца здарэння. За свой учынак мужчынам пагражае да 10 гадоў пазбаўлення свабоды. Распачата крымінальная справа за наўмыснае знішчэнне чужой маёмасці.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
