Вы тут

У Савеце Рэспублікі абмеркавалі законапраекты аб УНС і «Аб змяненні Выбарчага кодэкса Рэспублікі Беларусь»


У Савеце Рэспублікі на чале з Наталляй Качанавай адбылася нарада па праектах законаў «Аб усебеларускім народным сходзе» і «Аб змяненні Выбарчага кодэкса Рэспублікі Беларусь». Удзельнікамі нарады сталі эксперты высокага ўзроўню, якія ўваходзілі ў склад Канстытуцыйнай камісіі і рабочай групы па дапрацоўцы праекту змяненняў і дапаўненняў у Канстытуцыю.


 

Старшыня Савета Рэспублікі адзначыла, што застаўся шэраг пытанняў, якія патрабуюць абавязковага абмерквання: 

— Цяпер у нас на разглядзе знаходзяцца праекты законаў «Аб Усебеларускім народным сходзе» і «Аб змяненні Выбарчага кодэкса Рэспублікі Беларусь». Мы іх ужо разглядалі неаднаразова, у тым ліку на экспертным савеце. Разам з тым ёсць яшчэ шэраг пытанняў, якія неабходна абмеркаваць. Таму я прапаную яшчэ раз вярнуцца да гэтых законапраектаў і ўважліва іх разгледзець. Акрамя таго, прайшло іх усенароднае абмеркаванне. Людзі выказалі шэраг прапаноў, якія мы абавязкова павінны ўлічыць у сваёй працы, — падкрэсліла Наталля Качанава. 

Законапраекты «Аб Усебеларускім народным сходзе» і «Аб змяненні Выбарчага кодэкса Рэспублікі Беларусь» былі вынесены на грамадскае абмеркаванне з 24 кастрычніка і размяшчаліся ў спецыяльных тэмах на Прававым форуме Беларусі. Свае заўвагі і прапановы па двух законапраектах можна было выказаць да 2 лістапада. Паступіла больш за 500 прапаноў і водгукаў грамадзян па гэтых законапраектах. Было адзначана, што ў цэлым прапановы грамадзян маюць канструктыўны характар. У тым ліку многія звароты не змяшчалі прапановы і заўвагі, а выказвалі станоўчую ацэнку падрыхтаваных законапраектаў.

Арына КАРПОВІЧ

Фота: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».