Вы тут

«Укараненне новых алгарытмаў тэсціравання»: прадстаўнік СААЗ аб мерах па выяўленні ВІЧ-інфекцыі


Прадстаўнік Сусветнай арганізацыі аховы здароўя ў Беларусі Сяргей Дыярдзіца на прэс-канферэнцыі расказаў аб інавацыйных мерах, неабходных для выяўлення ВІЧ-інфекцыі і прафілактыкі заражэння, паведамляе БелТА.


«Напярэдадні Сусветнага дня барацьбы са СНІДам Еўрапейскае бюро Сусветнай арганізацыі аховы здароўя сумесна з Еўрапейскім цэнтрам па кантролі за захворваннем публікуе штогадовую справаздачу аб захворванні і смяротнасці ў еўрапейскім рэгіёне СААЗ, які ахоплівае 53 краіны. Справаздача гэтага года паказала, што колькасць новых выпадкаў ВІЧ-інфекцыі ў краінах Усходняй Еўропы і Цэнтральнай Азіі, куды адносіцца і Беларусь, у разліку на 100 тыс. насельніцтва практычна ў 10 разоў большая за гэты паказчык у Заходняй ці Цэнтральнай Еўропе. Акрамя таго, колькасць людзей з нявыяўленай ВІЧ-інфекцыяй, на жаль, павялічваецца», — адзначыў Сяргей Дыярдзіца.

«Гэта патрабуе ад краін прыняцця больш эфектыўных і інавацыйных мер па выяўленні ВІЧ-інфекцыі, уключаючы ўкараненне новых алгарытмаў тэсціравання, заснаваных на экспрэс-тэстах, пашырэння ахопу прафілактычнымі і дыягнастычнымі паслугамі для ключавых груп насельніцтва, дыспрапарцыянальна закранутых ВІЧ-інфекцыяй. Работа з мэтай змяншэння грамадскай прадузятасці павінна прадаўжацца, паколькі стыгма і дыскрымінацыя застаюцца галоўнымі рухавікамі няроўнасці і галоўнымі бар’ерамі на шляху да дасягнення глабальных ідэй у галіне барацьбы з эпідэміяй ВІЧ-інфекцыі», — прадоўжыў прадстаўнік СААЗ у Беларусі.

Сусветная арганізацыя аховы здароўя вітае намаганні Міністэрства аховы здароўя Рэспублікі Беларусь па забеспячэнні ўніверсальнага, або стапрацэнтнага, бясплатнага доступу да сучаснага антырэтравіруснага лячэння для ўсіх людзей, якія жывуць з ВІЧ у Беларусі, з 2018 года, дадаў Сяргей Дыярдзіца. «Мы павінны памятаць, што эфектыўнае лячэнне — гэта таксама важны элемент прафілактыкі, паколькі людзі, якія знаходзяцца на лячэнні і маюць невызначаемую вірусную нагрузку, не перадаюць ВІЧ сваім сексуальным партнёрам», — сказаў ён.

Сусветны дзень барацьбы са СНІДам адзначаецца штогод 1 снежня.

Прэв’ю: БелТА

Выбар рэдакцыі

Грамадства

Мабільны дадатак Фонду сацыяльнай абароны насельніцтва раскажа пра будучую пенсію

Мабільны дадатак Фонду сацыяльнай абароны насельніцтва раскажа пра будучую пенсію

Спампаваўшы яго, можна даведацца інфармацыю аб будучай пенсіі: ваш страхавы стаж, найменні работадаўцаў і час, які вы ў іх адпрацавалі, узносы, якія выплачвае работадавец.

Здароўе

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Вядучыя анколагі расказалі пра новыя метады лячэння, якія яшчэ нядаўна былі недаступныя, а сёння выратоўваюць жыцці пацыентам.

Грамадства

Як жывуць і каго чакаюць у госці жыхары адрэзанай вадой Палянаўкі

Як жывуць і каго чакаюць у госці жыхары адрэзанай вадой Палянаўкі

Працягваем сачыць за развіццём паводкавай сітуацыі.

Калейдаскоп

100 гадоў Леаніду Шчамялёву. Як добра вы ведаеце жыццё і творчасць мастака? Тэст

100 гадоў Леаніду Шчамялёву. Як добра вы ведаеце жыццё і творчасць мастака? Тэст

Леанід Дзмітрыевіч стаў сапраўдным класікам беларускага жывапісу.