З 1 снежня беларускія кіроўцы не змогуць прайсці тэхагляд без зімовай рызіны

З 1 снежня ў Беларусі не пройдзе тэхагляд аўтамабіль, які не абуты ў зімовую рызіну, паведамілі агенцтву «Мінск-Навіны» ў Белтэхаглядзе.

На працягу ўсёй зімы, з 1 снежня 2022 г. па 1 сакавіка 2023-га, супрацоўнікі дыягнастычных станцый будуць кантраляваць наяўнасць зімовых шын. У гэты перыяд яны павінны быць на ўсіх колах транспартных сродкаў катэгорыі М1 і N1.

Зімовая рызіна мае маркіроўку ў выглядзе горнай вяршыні з трыма пікамі са сняжынкай унутры. Акрамя гэтага, магчымая маркіроўка знакамі «М+S», «M&S», «M. S».

Прэв’ю: pixabay.com