Вы тут

Чарговыя наведвальнікі Палаца Незалежнасці: «Тое, што бачым, — гэта ўнікальна»


Наведаць залы, дзе праводзяцца найважнейшыя палітычныя мерапрыемствы, зрабіць сэлфі каля прыёмнай Прэзідэнта, пачуць цікавыя факты пра вялікую палітыку — усё гэта рэальна дзякуючы традыцыйным экскурсіям у Палац Незалежнасці. Рэзідэнцыя Прэзідэнта Рэспублікі Беларусь ізноў расчыніла свае дзверы для экскурсійных груп. І як заўсёды — аншлаг. Экскурсіі ў Палац Незалежнасці праводзяцца па даручэнні кіраўніка дзяржавы, каб кожны беларус мог на свае вочы ўбачыць веліч сімвала беларускага суверэнітэту, натхніцца талентам беларускіх майстроў. Як вядома, большасць прадметаў у Палацы зроблена рукамі беларусаў з беларускіх матэрыялаў. Да таго ж, экскурсіі ў Палац Незалежнасці — гэта яшчэ і нагода ўспомніць айчынную гісторыю. У інтэр’ерах палаца выразна прасочваюцца нацыяльныя матывы, шмат згадваецца беларускіх славутасцяў, мноства фота з найважнейшых падзей у жыцці краіны.


Цікавасць да экскурсій у Рэзідэнцыю Прэзідэнта ўзрастае з кожным годам. Народная сцежка не зарастае. Апошні восеньскі дзень тут правялі члены грамадскіх аб’яднанняў «Белая Русь» і Беларускі саюз жанчын «Беларусбанка» і ААТ «Керамін». А таксама члены аб’яднанай арганізацыі БСЖ Міністэрства прамысловасці. Некаторыя спецыяльна прыехалі з рэгіёнаў. Як, напрыклад, дэлегацыя з «Магілёўліфтмаша» з дзевяці чалавек. «Сёння вельмі добры дзень. Працаваць мы любім, але сёння рады правесці сераду тут і ўбачыць усю гэту прыгажосць. Хацелася ўбачыць сам Палац Незалежнасці. Мы яго інтэр’еры бачым толькі па тэлевізары, а цяпер убачылі іх на свае вочы, пабывалі ў самым сэрцы нашай краіны», — падзялілася Марыя Кананкова. Яе калега Валянціна Дзмітрачэнка дадала, што ніколі не магла б паверыць, што апынецца ў месцы, дзе праходзяць найважнейшыя дзяржаўныя мерапрыемствы і сустрэчы. «І вельмі важна, каб у Палац Незалежнасці прыязджала моладзь. Мы будзем старацца, каб маладыя супрацоўнікі нашага прадпрыемства таксама пабывалі тут на экскурсіі. Мяркую, для іх гэта будзе добрай матывацыяй», — дадала яна.

Нягледзячы на агульнае захапленне, кожны з гасцей знаходзіць нешта асабістае для сябе. Напрыклад, падарунак Прэзідэнту. Як расказала загадчык Палаца культуры ААТ «Гомсельмаш» Марыя Савянкова, ёй асабліва хочацца ўбачыць Неглюбскі рушнік-абярэг, які падарылі Прэзідэнту ў Гомельскай вобласці. І сам Палац Незалежнасці, канешне, таксама захапіў. «Уражваюць маштабы, аб’ёмы работы майстроў. Хочацца падыходзіць і разглядаць кожную дэталь, таму што тое, што мы бачым — гэта ўнікальна», — дадала Марыя Савянкова.

Традыцыйна, вялікую ўвагу выклікаюць Зялёная зала, дзе ў 2015 годзе праходзілі перамовы Нармандскай чацвёркі, Чырвоная зала, якую часта можна бачыць у матэрыялах СМІ, прысвечанах нарадам з удзелам Прэзідэнта. Па словах экскурсантаў, гэта дазваляе адчуць датычнасць да гістарычных падзей, якія адбываюцца тут. А падарункі кіраўніку дзяржавы госці Палаца, здаецца, могуць разглядаць бясконца. У тым ліку і знакамітыя лімоны ў Зале ўрачыстых цырымоній, дарэчы, самай вялікай зале ў краіне.

Валерыя СЦЯЦКО

Выбар рэдакцыі

Грамадства

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Летась у краіне адбылося 5958 пажараў, на якіх загінулі 627 чалавек.

Здароўе

Мароз і сэрца: што такое халадовы інфаркт, каму ён пагражае і як яго пазбегнуць?

Мароз і сэрца: што такое халадовы інфаркт, каму ён пагражае і як яго пазбегнуць?

Расказала ўрач-тэрапеўт, загадчык аддзялення прафілактыкі 11-й гарадской паліклінікі Мінска Святлана ЯНУШКА.

Спорт

Алег Шэпель: Сусветны паралiмпiйскi рух многае страцiў ад нашай iзаляцыi

Алег Шэпель: Сусветны паралiмпiйскi рух многае страцiў ад нашай iзаляцыi

Гiсторыя паралiмпiйскага спорту — паказчык развiцця краiны.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​