Юбілейны канцэрт да 75-годдзю Мінскага дзяржаўнага мастацкага каледжа ім. Глебава пройдзе 2 снежня ў вялікай канцэртнай зале Беларускай дзяржаўнай філармоніі, паведамілі БелТА ва ўстанове.
У першым аддзяленні канцэрта павіншаваць найстарэйшую навучальную ўстанову Беларусі збяруцца лепшыя прадстаўнікі музычнага і харэаграфічнага мастацтва сталіцы: салісты Вялікага тэатра Беларусі, студэнты і выкладчыкі Беларускай дзяржаўнай акадэміі музыкі, Рэспубліканскай гімназіі-каледжа пры ёй, Беларускай дзяржаўнай харэаграфічнай гімназіі-каледжа, а таксама харавыя калектывы.
Унікальнасць канцэрту надасць прэзентацыя ў другім аддзяленні сумеснага мультымедыйнага праекта юбіляра з Дзяржаўным камерным аркестрам Рэспублікі Беларусь. Выкананне знакамітага цыкла Мадэста Мусаргскага «Карцінкі з выставы» будзе суправаджацца стварэннем жывапіснага палатна выкладчыкамі Глебаўкі. Дзякуючы відэапраекцыі гледачы змогуць убачыць мастацкі працэс у рэжыме рэальнага часу. Ідэя праекта незвычайная яшчэ і тым, што карціна будзе нараджацца ў выніку «зваротнага перакладу»: музыка Мусаргскага, складзеная пад уражаннем ад выставы Віктара Гартмана, сама стане крыніцай натхнення для сучасных беларускіх мастакоў.
Пачатак юбілейнага канцэрта ў 19.00.
Прэв’ю: БелТА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
