Адзіны ў Беларусі аркестр саксафонаў Belsaxo прадставіць 3 снежня новую праграму «Голас эпохі» у вялікай зале Беларускай дзяржаўнай філармоніі, паведамляе БелТА.
У канцэртнай праграме прагучаць творы М. Глінкі, А. Дворжака, А. Глазунова, А. Пьяццолы, А. Маркеса, А. Літвіноўскага, Д. Лойка, В. Грышчанка. Аркестр пакажа ўвесь спектр магчымасцяў саксафона. «Рознастылёвая і рознажанравая палітра дапаможа спаўна атрымаць асалоду ад голасу эпохі», — распавялі ў Белдзяржфілармоніі.
Вядучай канцэртнай праграмы выступіць актрыса тэатра і кіно, рэжысёр Вялікага тэатра Беларусі Марыя Ісаева. Пачатак у 19.00.
Аркестр Belsaxo, створаны ў 2019 годзе, — універсальная творчая каманда, якой пад сілу выкананне як музыкі барока і класіка-рамантычнай эпохі, так і джаза, а таксама твораў сучасных кампазітараў. Яго заснавальнік, мастацкі кіраўнік і дырыжор — выпускнік Беларускай дзяржаўнай акадэміі музыкі Павел Казак. Саліст — лаўрэат міжнародных і рэспубліканскіх конкурсаў, артыст заслужанага калектыву «Нацыянальны акадэмічны канцэртны аркестр Рэспублікі Беларусь» Ім. М. Я. Фінберга Мікіта Пятроў.
Прэв’ю: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
