Для Мінска і Гаваны салідарнасць і сяброўства не пустыя словы. Пра гэта заявіў старшыня Палаты прадстаўнікоў Уладзімір Андрэйчанка падчас сустрэчы са старшынёй Нацыянальнай асамблеі народнай улады Кубы Хуанам Эстэбанам Ласо Эрнандэсам, паведамляе БелТА.
«Канструктыўны характар носіць наша ўзаемадзеянне з кубінскімі парламентарыямі ў міжнародных арганізацыях, і гэта радуе. Для Мінска і Гаваны Салідарнасць і сяброўства не пустыя словы. Лічу, што ў цяперашніх няпростых знешніх умовах нам трэба ўзмацніць узаемную падтрымку і даваць самы рашучы адпор палітыцы дыктату, аднабаковых санкцый, блакад, накіраваных сёння і супраць Рэспублікі Беларусь, і супраць Кубы», — сказаў Уладзімір Андрэйчанка.
Паводле яго слоў, нашым краінам трэба наладзіць больш цесную каардынацыю, перш за ўсё ў міжпарламенцкіх арганізацыях. «Такіх як парламенцкая сетка Руху недалучэння, Міжпарламенцкі саюз, Лацінаамерыканскі парламент, дзе парламент Беларусі мае статус назіральніка. У гэтых міжпарламенцкіх арганізацыях у нас ёсць нямала сяброў, гатовых нас падтрымліваць», — адзначыў спікер.
Афіцыйны візіт у Беларусь парламенцкай дэлегацыі Рэспублікі Куба на чале са Старшынёй Нацыянальнай асамблеі народнай улады Хуанам Эстэбанам Ласо Эрнандэсам праходзіць па 4 снежня.
Прэв’ю: БелТА
Мерапрыемства праводзіцца на добраахвотнай аснове.
Не выявіць ні секунды абыякавасці.
