Сустрэча старшыні Менгарвыканкама Уладзіміра Кухарава з губернатарам Гаваны Рэйнальда Гарсія Сапата прайшла 3 снежня, паведамляе БелТА.
«У нас даўнія пабрацімскія сувязі з Гаванай. Сёння з мэрам Гаваны мы абмеркавалі далейшыя пытанні супрацоўніцтва паміж нашымі гарадамі. Мы бачым, што можам працаваць па самых розных напрамках. Ёсць добрыя перспектывы па стварэнні зборачных вытворчасцей у Гаване, па пастаўках пасажырскай і сельскагаспадарчай тэхнікі. Вельмі добры кірунак па пастаўцы беларускіх трансфарматараў, у якіх ёсць неабходнасць у Гаване. Таксама абмеркавалі пытанні супрацоўніцтва ў галіне адукацыі, дзе мы можам аказаць садзейнічанне ў навучанні спецыялістаў ва ўстановах прафесійна-тэхнічнай адукацыі і ў ВНУ нашай краіны», — распавёў Уладзімір Кухараў.
Па яго словах, таксама абмяркоўваліся пытанні абмену дэлегацыямі ўстаноў культуры. «Мы бачым, што неабходна працаваць у гэтым напрамку вельмі сур’ёзна, так як перспектывы вельмі добрыя. Самае галоўнае, што ёсць імкненне нашых гарадоў рухацца ў гэтым кірунку», — дадаў старшыня Мінгарвыканкама.
Гавана — горад-пабрацім Мінска. 30 кастрычніка споўнілася 17 гадоў з дня ўстанаўлення пабрацімскіх сувязяў.
Прэв’ю: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
