У БДУ пачне працу выстава «Мінск. Гісторыя горада ў кнігах і паштоўках». Адкрыццё адбудзецца 6 снежня. Прымеркавана мерапрыемства да года гістарычнай памяці і праводзіцца з мэтай паглыбленага вывучэння гісторыі Мінск, паведамілі ў прэс-службе ВНУ.
Экспазіцыя прадстаўлена калекцыяй кніг і паштовак. Сярод іх каля 40 выданняў XX і ХХІ стагоддзяў. У іх распавядаецца пра ўзнікненне горада, легендах і паданнях, звязаных з паходжаннем Мінска. Асаблівую ўвагу арганізатары надалі перыяду Вялікай Айчыннай вайны і аднаўленню горада ў пасляваенныя гады. У падборцы — выданні пра герояў, імёнамі якiх названы вуліцы сталіцы. Шэраг выданняў прысвечаны Мінску другой паловы ХХ стагоддзя і сучаснасці.
Акрамя таго, госці ўбачаць калекцыю з 60 паштовак з выявай гістарычных, вядомых і звязаных з легендамі месцаў Мінска. Не застануцца ў баку і малюнкі сучаснай архітэктуры сталіцы.
Праца выставы будзе суправаджацца прэзентацыяй. Серыя слайдаў раскрые гісторыю сталіцы ад старажытнасці да сучаснасці. Наведвальнікі ўбачаць паўсядзённае жыццё гараджан, гераічны подзвіг мінчан падчас ВАВ і іх самаадданую працу ў перыяд аднаўлення горада. Таксама гасцям раскажуць пра змены, якія адбыліся ў Мінску за 100 гадоў, першае Таварыства па абароне правоў і інтарэсаў жанчын, знакамітых мінчанках, якія ўнеслі ўклад у развіццё сталіцы, пазнаёмяць з картай губернскага горада і схемай маршруту першай конкі.
Выстава будзе працаваць да 9 снежня ўключна.
Фота: прэс-служба БДУ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
