Другакурснік эканамічнага факультэта Аляксей Тарчыла заняў першае месца ў Міжнародным турніры па таэквандо «RussianOpen-2022» у Краснагорску. Малады чалавек стаў пераможцам па выніках трох баёў у вагавой катэгорыі 87+.
На другой і трэцяй прыступках пастамента размясціліся расійскія спартсмены.
Усяго ў спаборніцтвах прымала ўдзел каля 1000 таэквандыстаў з Беларусі, Расіі, Ірана, Бразіліі, Індыі, Казахстана, Узбекістана, Кіргізіі, Туркменістана, Сербіі і Ганконга.
Таэквандо — адзін з відаў усходніх адзінаборстваў, яго радзімай лічыцца Карэя. Адметнасцю з’яўляецца хуткасная сістэма ўдараў нагамі. У Беларусі таэквандо як від спорту пачаў распаўсюджвацца ў канцы 1980-х гадоў. Яго з’яўленне звязваюць з іменем Аляксандра Боткіна — таленавітага самавучкі, які займаўся падрыхтоўкай першых беларускіх майстроў таэквандо.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.