Маладзёжны конкурс праектаў па добраўпарадкаванні «Гарадская прастора: погляд у будучыню» стартаваў у Магілёве, паведамляе БелТА са спасылкай на словы намесніка начальніка аддзела ідэалагічнай работы і па справах моладзі Магілёўскага гарвыканкама Ірыны Сталяровай.
Удзельнікамі конкурсу могуць стаць студэнты ВНУ горада. Для гэтага неабходна прыдумаць канцэпцыю па афармленні гарадской прасторы і прадставіць яе арганізатарам. Конкурс праходзіць па пяці намінацыях.
Так, у намінацыі «Паблік арт-аб’ект» могуць быць прадстаўлены канцэпцыі, у аснове якіх творы мастацтва. Яны павінны спалучаць у сабе розныя формы, створаныя адмыслова для размяшчэння на адкрытай прасторы.
Работы будуць прымацца і ў намінацыі «Стварэнне гарадской прасторы». Тут можна прадстаўляць праекты для фарміравання творчай маладзёжнай прасторы па розных напрамках: спорт, культура, вольны час, адукацыя і інш.
Прымаюцца канцэпцыі з графіці, вулічным мастацтвам, розныя скульптурныя інсталяцыі і малыя архітэктурныя формы. Яны будуць прадстаўлены ў намінацыі «Стрыт-арт».
Яшчэ адзін напрамак — «Горад з лепшай айдэнтыкай». Тут можна прадстаўляць праекты па стварэнні фірменнага стылю афармлення гарадской прасторы, гарадскога брэнда, праекты афармлення сацыяльнай рэкламы, паказальнікаў, інфармацыйных таблічак і прыпынкаў грамадскага транспарту.
У намінацыі «Ландшафтны дызайн» прымаюцца ідэі па азеляненню і кветкавым афармленню гарадской прасторы, паркаў, бульвараў і сквераў.
Ацэньвацца работы будуць па некалькіх крытэрыях, сярод якіх мастацка-эстэтычныя якасці праектаў, навізна і арыгінальнасць ідэі, выкарыстанне інавацыйных тэхналогій, функцыянальнасць і магчымасць рэалізацыі.
Конкурс праводзіцца ў некалькі этапаў. Да 1 лютага 2023 года будзе праводзіцца папярэдні адбор конкурсных работ, з якіх выберуць тыя, што пройдуць у фінал. Пасля гэтага лепшыя канцэпцыі будуць прадстаўлены на галасаванне, якое пройдзе ў Інтэрнэце. Падвядуць вынікі да 10 лютага.
Пераможцаў гарадскога конкурсу чакаюць дыпломы і грашовыя прызы: за першае месца арганізатары падрыхтавалі прыз у 100 базавых велічынь, за другое — 60, а трэцяе — 30. Акрамя гэтага, будзе вызначаны праект, якому ўручаць прыз глядацкіх сімпатый: аўтар такога праекта атрымае заахвочванне ў выглядзе 30 базавых велічынь.
Арганізатарам конкурсу выступіў Магілёўскі гарадскі выканаўчы камітэт.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.