Вы тут

У Магілёве паразмаўлялі з дзецьмі на казытлівую тэму гвалту


Рэспубліканскую акцыю «16 дзён без гвалту» падтрымаў магілёўскі Цэнтр творчасці дзяцей і моладзі «Крынічка». На яго базе прайшло мерапрыемства, якое падрыхтавалі спецыялісты Сацыяльнага крызіснага цэнтра «SOS-дзіцячая вёска „Магілёў“».


— Па статыстыцы акцыю, якая будзе праводзіцца ў Беларусі да 10 снежня, падтрымліваюць у больш чым 100 краінах свету, — паведаміла загадчыца аддзела Цэнтра творчасці дзяцей і моладзі «Крынічка» Марына Яфіменка. — Гэта робіцца для таго, каб павялічыць разуменне і дасведчанасць людзей аб усіх формах гвалту і стварыць сацыяльную прастору, свабодную ад гвалту.

Сустрэча прайшла ў фармаце гульняў. Атмасфера была прасякнутая такімі паняццямі, як каханне, міласэрнасць, узаемадапамога, спагадлівасць. Дзеці ахвотна дзяліліся сваімі думкамі і ўяўленнямі. Напрыклад, адзін з хлопчыкаў сказаў, што нават слова «гвалт» дрэннае, а вось «каханне», наадварот, — добрае. «Трэба часцей праводзіць час з мамай і татам, — лічыць ён. — А яшчэ з бабуляй. Яна пячэ самыя смачныя на свеце бліны». «Я папрасіла ў Дзеда Марозу для ўсіх людзей на планеце кахання і прысмакаў», — сціпла прызналася яшчэ адна юная ўдзельніца мерапрыемства.

Арганізатары лічаць, што размаўляць з дзецьмі на казытліваю тэму трэба. Толькі так можна сфарміраваць у грамадстве мадэль паводзін, накіраваную на непрымальнасць любога віду гвалту.

Нэлі ЗІГУЛЯ

Фота: з архіва Цэнтра творчасці дзяцей і моладзі «Крынічка»

Выбар рэдакцыі

Здароўе

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Вядучыя анколагі расказалі пра новыя метады лячэння, якія яшчэ нядаўна былі недаступныя, а сёння выратоўваюць жыцці пацыентам.

Грамадства

Як жывуць і каго чакаюць у госці жыхары адрэзанай вадой Палянаўкі

Як жывуць і каго чакаюць у госці жыхары адрэзанай вадой Палянаўкі

Працягваем сачыць за развіццём паводкавай сітуацыі.

Калейдаскоп

100 гадоў Леаніду Шчамялёву. Як добра вы ведаеце жыццё і творчасць мастака? Тэст

100 гадоў Леаніду Шчамялёву. Як добра вы ведаеце жыццё і творчасць мастака? Тэст

Леанід Дзмітрыевіч стаў сапраўдным класікам беларускага жывапісу.