Вы тут

Жыхарка Мазыра падрабіла запіс у працоўнай кніжцы, каб уладкавацца на новае месца


49-гадовая жыхарка Мазыра працавала спецыялістам па кадрах і справаводстве ў мэблевай краме. У канцы лета яна вырашыла звольніцца і ўладкавацца на новае месца. Як далей разгортваліся падзеі, паведамляе аддзяленне інфармацыі і грамадскіх сувязяў УУС Гомельскага аблвыканкама.


З-за таго, што не быў выкананы вызначаны кіраўніцтвам гандлёвай установы аб’ём работ, кадравік вырашыла не прыходзіць на працу, а апавясціць наймальніка аб сваім рашэнні па пошце. Дырэктар крамы быў іншага меркавання, прапанаваўшы падпарадкаванай усё ж падаць заяву асабіста. Тады мазыранка самастойна ўнесла запіс аб звальненні ў працоўную кніжку, напісала характарыстыку з месца працы і з дакументамі прыйшла да новага працадаўцы. Той нічога не западозрыў і наняў работніка.

Неўзабаве дырэктару крамы стала вядома, што яе працаўнік, не звольніўшыся належным чынам, уладкаваўся на новае месца працы. Кіраўнік звярнуўся з заявай у Мазырскі РАУС. Супрацоўнікі міліцыі правялі праверку і вывелі гараджанку на чыстую ваду.

Следчы даў прававую ацэнку дзеянням мазыранкі і распачаў крымінальную справу па ч. 1 арт. 380 КК Рэспублікі Беларусь «Падробка, выраб, выкарыстанне або збыт падробленых дакументаў, штампаў, пячатак».

Сяргей РАСОЛЬКА

Прэв’ю: pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».