Дэлегацыя Беларусі прыняла ўдзел у каардынацыйнай сустрэчы па абмеркаванні праектаў міжнароднай тэхнічнай дапамогі МАГАТЭ для нашай краіны, паведамілі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У Венскім цэнтры Міжнароднага агенцтва па атамнай энергіі (МАГАТЭ) адбылася каардынацыйная сустрэча па абмеркаванні праектаў міжнароднай тэхнічнай дапамогі для Беларусі.
У мерапрыемстве прынялі ўдзел прадстаўнікі Міністэрства замежных спраў, Міністэрства прыродных рэсурсаў і аховы навакольнага асяроддзя, Міністэрства па надзвычайных сітуацыях, Міністэрства энергетыкі і Міністэрства аховы здароўя Беларусі. Удзел у мерапрыемстве прыняла і прадстаўнік Бедгідрамета — намеснік начальніка службы — начальнік аддзела радыяцыйнага маніторынгу Зоя Трафімчык, якая курыруе пытанні рэалізацыі праекта міжнароднай тэхнічнай дапамогі МАГАТЭ «Удасканаленне мер радыяцыйнага маніторынгу ў зоне ўплыву Беларускай АЭС».
У ходзе сустрэчы адбылося абмеркаванне пытанняў практычнага ўзаемадзеяння па рэалізацыі праекта, намечаны тэрміны пастаўкі абсталявання і навучання спецыялістаў, а таксама фарматы работы экспертных місій МАГАТЭ ў Беларусі для аказання кансультатыўнай дапамогі, як у рабоце на сучасным абсталяванні, так і па пытаннях эфектыўнай арганізацыі работ у частцы пашырэння аб’ёму радыяцыйнага маніторынгу ў раёне ўздзеяння Беларускай АЭС.
Парадак дня мерапрыемства таксама ўключаў разгляд пытанняў тэхнічнага супрацоўніцтва з МАГАТЭ з улікам мэт і задач Рамачнай праграмы супрацоўніцтва на 2022-2027 гады ў частцы механізмаў распрацоўкі і рэалізацыі праектнай заяўкі Белгідрамета на ўзмацненне радыяцыйнага маніторынгу і кантролю Беларусі ў кантэксце аварыйнай гатоўнасці і рэагавання ў сувязі з будучым уводам і эксплуатацыяй Беларускай АЭС.
Прэв’ю: БелТА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.