Сертыфікат цэнтралізаванага экзамену (ЦЭ) будзе дзейнічаць два гады, паведаміла журналістам першы намеснік міністра адукацыі Ірына Старавойтава, перадае БелТА.
Ірына Старавойтава расказала, што рабіць выпускніку школы, які пасля 11-га класа ў наступным годзе не будзе паступаць далей (напрыклад, ідзе ў армію), а плануе зрабіць гэта праз год-два.
«У папярэднія гады ў нас сертыфікаты цэнтралізаванага тэсціравання дзейнічалі два гады. Так і сертыфікат цэнтралізаванага экзамену — яго дзеянне будзе прадаўжацца на працягу двух гадоў. Ім можна скарыстацца ў наступным годзе», — растлумачыла першы намеснік міністра.
Як заўважыў начальнік галоўнага ўпраўлення прафесійнай адукацыі Міністэрства адукацыі Сяргей Каспяровіч, ёсць асобная норма, па якой выпускнікі мінулых гадоў маюць права здаць тры ЦТ.
Больш таго, дадала Ірына Старавойтава, ёсць магчымасць пасля 11 класаў паступіць ва ўстанову сярэдняй спецыяльнай адукацыі па конкурсе атэстата.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
