Выплаты зробленыя 6 снежня трымальнікам еўрааблігацый Рэспублікі Беларусь, раней выкананыя Мінфінам у адпаведнасці з пастановай Савета Міністраў і Нацыянальнага банка ад 6 красавіка 2022 года № 212/10 «Аб часовых мерах па выкананні знешніх дзяржаўных даўгавых абавязацельстваў» і зарэзерваваныя на рахунку ў Беларусбанку, паведамілі ў прэс-службе Мінфіна.
Плацяжы ў беларускіх рублях ажыццёўлены на рахункі трымальнікаў з Расіі, Арменіі і Беларусі, якія падалі заяўкі.
«Канстатуем абмежаваны ўдзел заходніх трымальнікаў у рэалізацыі прапануемых механізмаў, перш за ўсё, па прычыне дзеючых заходніх санкцый і іх негатоўнасці працаваць з беларускімі рублямі. Акрамя таго, заходнія клірынгавыя сістэмы прадаўжаюць ігнараваць запыты Міністэрства фінансаў аб прадастаўленні рэестраў трымальнікаў еўрааблігацый для правядзення дадатковай верыфікацыі ўладальнікаў, каб пазбегнуць выпадкаў махлярства», — паведамілі ў міністэрстве.
Работа па задавальненні патрабаванняў трымальнікаў еўрабондаў у рамках пастановы Савета Міністраў і Нацыянальнага банка ад 26 верасня 2022 года нумар 643/20 «Аб правядзенні асобных аперацый з дзяржаўнымі каштоўнымі паперамі» будзе прадоўжана. Цяпер дадаткова прапрацоўваецца пытанне найбольш зручных варыянтаў выканання абавязацельстваў па еўрааблігацыях Беларусі.
«Цэнтральны дэпазітарый Беларусі можа арыентавацца на звесткі аб уладальніках беларускіх еўрааблігацый, напрыклад, расійскага Нацыянальнага разліковага дэпазітарыя, які адкрыты да супрацоўніцтва. Падыходы заходніх інфраструктурных арганізацый далёкія ад канструктыўных», — адзначылі ў Мінфіне.
Прэв’ю: pixabay.com
У сталіцы адкрылася ХХХ Мінская міжнародная кніжная выстаўка-кірмаш.
«Мы плануем навучыць аднаўленчым медыятыўным практыкам 20 чалавек з розных устаноў».
«Важны момант, што яўныя сімптомы аўтызму ёсць, але бацькі не жадаюць заўважаць іх».
Ужо традыцыя з нагоды Дня роднай мовы прапаноўваць чытачам праверыць свае веды.
