Міністэрства аховы здароўя дало афіцыйны каментарый да пастановы ад 25 лістапада 2022 года нумар 111 «Аб змяненні пастаноў Міністэрства аховы здароўя Рэспублікі Беларусь ад 13 чэрвеня 2019 года нумар 52 і ад 13 чэрвеня 2019 года нумар 53», паведамляе БелТА са спасылкай на прэс-службу ведамства.
На pravo.by афіцыйна апублікавана пастанова Міністэрства аховы здароўя ад 25 лістапада 2022 года нумар 111. Дакумент прыняты для далейшага ўдасканалення ўмоў аплаты працы работнікаў аховы здароўя.
Так, з улікам падыходаў, адобраных Прэзідэнтам і ўрадам, адменена базавая даплата і адначасова павялічаны іншыя стымулюючыя выплаты. Так, надбаўка за работу ў сферы аховы здароўя ўрачам-спецыялістам павялічана на 55 працэнтаў, сярэднім медыцынскім работнікамі — на 50 працэнтаў, надбаўка за асаблівасці прафесійнай дзейнасці іншым работнікам аховы здароўя (інжынерам, фізікам, хімікам, інструктарам-метадыстам фізічнай рэабілітацыі, фармацэўтычным работнікам і інш.) павялічана на 50 працэнтаў.
Устаноўлена надбаўка за асаблівасці прафесійнай дзейнасці рабочым бюджэтных арганізацый у залежнасці ад разраду работы: 1-ы разрад работы — 90 працэнтаў базавай стаўкі, 2-і разрад — 80 працэнтаў, 3-і разрад — 75 працэнтаў, 4-ы разрад — 70 працэнтаў, 5-ы разрад — 65 працэнтаў, 6-ы разрад — 60 працэнтаў.
Прадугледжана надбаўка за асаблівасці прафесійнай дзейнасці медыцынскім работнікам, асобам з ліку ПВС, якія з’яўляюцца кіраўнікамі стажыроўкі, — у памеры 5 працэнтаў базавай стаўкі за кожны дзень стажыроўкі. «Для правядзення стажыроўкі ўрачоў будуць прыцягвацца высокакваліфікаваныя спецыялісты, якія маюць значныя прафесійныя, практычныя веды і вопыт, у індывідуальным парадку навучаюць новым метадам аказання высокатэхналагічнай меддапамогі. Гэта будзе садзейнічаць паляпшэнню якасці і даступнасці высокакваліфікаванай медыцынскай дапамогі насельніцтву рэспублікі», — растлумачылі ў міністэрстве.
Таксама павялічаны памер надбаўкі прафесарска-выкладчыцкім работнікам за лячэбна-дыягнастычную работу. «Памер гэтай надбаўкі разлічваецца ў працэнтах ад акладу ўрача-спецыяліста адпаведнай спецыяльнасці і кваліфікацыйнай катэгорыі. Гэта норма прынята ў сувязі з тым, што прафесарска-выкладчыцкі склад медыцынскіх універсітэтаў актыўна ўдзельнічае ў аказанні медыцынскай дапамогі, кансультаванні пацыентаў ва ўстановах аховы здароўя, непасрэдна выконвае высокатэхналагічныя ўмяшанні з улікам перадавых сусветных методык лячэння і метадаў дыягностыкі», — растлумачылі ў Міністэрстве аховы здароўя.
Пастанова ўступае ў сілу з 1 студзеня 2023 года. Ведамства сумесна з галіновым прафсаюзам правядзе інфармацыйна-растлумачальную кампанію па рэалізацыі пастановы.
Прэв’ю: БелТА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.