Адкрытыя рэспубліканскія спаборніцтвы па фігурным катанні на каньках «Кубак караля Стаха» пройдуць з 9 па 11 снежня ў Лядовым палацы Баранавічаў, паведамілі БелТА арганізатары.
Для ўдзелу ў спаборніцтвах зарэгістраваліся 247 спартсменаў ва ўзросце ад 4 да 15 гадоў. Гэта прадстаўнікі школ фігурнага катання з Мінска, Гомеля, Баранавіч, Пружан, Івацэвічаў. Самую вялікую групу ўдзельнікаў складаюць фігурысты, якія маюць юнацкія разрады. На лёд таксама выйдуць два майстры спорту — з Мінска і Пружан.
Выступленні будуць праходзіць на працягу трох дзён з раніцы і да позняга вечара. Удзельнікі ад катэгорыі «Навічок» да 1-га юнацкага разраду будуць спаборнічаць у адвольнай праграме, фігурысты старэй (з 2 — га юнацкага разраду да майстроў спорту) прадэманструюць майстэрства валодання каньком у дзвюх праграмах — кароткай і адвольнай.
За скачкамі, кручэннямі, дарожкай крокаў і іншымі элементамі ў выкананні будучых зорак беларускага фігурнага катання змогуць паназіраць усе жадаючыя — уваход на спаборніцтвы будзе свабодным.
Арганізатарамі чэмпіянату выступаюць Беларускі саюз канькабежцаў, хакейны клуб Баранавічаў.
Упершыню рэспубліканскія спаборніцтвы па фігурным катанні на каньках прайшлі ў снежні 2021 года ў Гомелі.
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
