Вы тут

Карупцыянераў больш не стала — іх пачалі выяўляць яшчэ актыўней


Кожны год у Беларусі раскрываюць ад паўтары да дзвюх тысяч карупцыйных злачынстваў. Такую лічбу назваў Ігар Грэйба, начальнік упраўлення па барацьбе з карупцыяй і арганізаванай злачыннасцю Генеральнай пракуратуры, падчас прэс-канферэнцыі ў «Доме прэсы».


Фота: prokuratura.gov.bу

Ігар Грэйба ўдакладніў, што удзельная вага карупцыйных злачынстваў у агульнай структуры злачыннасці ў сярэднім складае каля 2 %.Але калі параўноўваць сітуацыю гэтага года з мінулым, то колькасць такіх злачынстваў на 35 % больш. Пры гэтым прадстаўнік Генпракуратуры падкрэсліў: гаворка не ідзе пра тое, быццам краіну накрыла хваля карупцыі — проста выяўляць такія дзеянні сталі больш актыўней. 

— Органамі пракуратуры ў мінулым перыядзе 2022 года па выніках 750 праверак выканання антыкарупцыйнага заканадаўства ўнесена 1920 актаў нагляду, узбуджана 72 крымінальныя справы, да адказнасці прыцягнута 2 542 службовыя і юрыдычныя асобы, — падзяліўся статыстыкай начальнік упраўлення.

Для параўнання за 2021 год адзначаўся істотны спад карупцыйных спраў: было зарэгістравана 1 064 карупцыйных злачынстваў (у 2020-м — 1 806). Аднак толькі 640 асобаў было асуджана за ўчыненне злачынстваў карупцыйнай накіраванасці — на 6,4 % менш, чым у 2020 годзе (684 асобы).

Паводле слоў Ігара Грэйба, больш за ўсё карупцыянераў дзейнічае ў сферах сельскай гаспадаркі, прамысловасці, будаўніцтва, транспарту, гандлю і адукацыі.

— Шкода ад карупцыйных злачынстваў склала 19 мільёнаў рублёў, «жывымі» грашыма яе пакрылі на 48,2 %. Пры гэтым, кошт маёмасці, на якую накладзены арышт, дазволіць забяспечыць яе поўнае пакрыццё, — адзначыў прадставіць пракуратуры.

Дарэчы, зараз праходзіць суд над экс-міністрам лясной гаспадаркі Віталём Дрожжай, які быў затрыманы ў красавіку гэтага года. Па дадзеных следства, ён атрымаў хабар у памеры 30 тысяч долараў ад прадстаўніка замежнага акцыянернага таварыства. Гаворка ішла аб набыцці ў інвестара сушыльных комплексаў, поўнай і своечасовай аплаце. 

Сяргей КУРКАЧ

Выбар рэдакцыі

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.