​Культурны і адукацыйны дыялог Кітая і Беларусі

У выдавецтве БДУ выйшла кніга «Беларуска-кітайскі культурны і адукацыйны дыялог: гісторыя і сучасны стан», зборнік матэрыялаў міжнароднага навуковага круглага стала, прысвечанага 100-годдзю Беларускага дзяржаўнага ўніверсітэта, 20-годдзю выкладання кіатйскай мовы на філалагічным факультэце, 10-годдзю кафедры кітайскай філалогіі. 

Разам сабраны даклады, выступленні В. Жукавец, М. Хмяльніцкага «Кафедра кітайскай філалогіі БДУ: учора, сёння, заўтра», Г. Харланавай «Кітайска-беларускі слоўнік. Беларуска-кітайскі слоўнік: Дасягненні і перспектывы», В. Хадоркі «Сучасны стан беларуска-кітайскага адукацыйнага дыялогу», Чжаа Цзэнфана «Гульня як важнейшы кампанент кітайскай дзіцячай субкультуры», Ян Кэ «Асноўныя шляхі кітайска-беларускага культурнага дыялогу», А. Васілевіч «Асаблівасці выкладання кітайскай мовы ў эканамічнай ВНУ» і іншыя актуальныя працы. 

Усяго ўдзел у круглым стале прынялі ўдзел каля 50 даследчыкаў. Вынікі разгляду імі тых ці іншых тэм выкладзены на беларускай, рускай і кітайскай мовах. 

Зборнік — сведчанне таго, што кафедра кітайскай філалогіі БДУ сёння з’яўляецца сур’ёзнай пляцоўкай для збірання, гуртавання даследчыцкіх сіл у галіне беларускай кітаістыкі па розных напрамках. 

Сяргей ШЫЧКО

Прэв’ю: pixabay.com