Біяграфія Сяргея Алейніка — новага міністра замежных спраў

13 снежня Аляксандр Лукашэнка прызначыў Міністрам замежных спраў Беларусі Сяргея Алейніка, які да цяперашняга часу працаваў у знешнепалітычным ведамстве на пасадзе першага намесніка міністра, перадае БелТА.

Алейнік Сяргей Фёдаравіч нарадзіўся ў 1965 годзе ў Мінску.

• У 1986 годзе з адзнакай скончыў перакладчыцкі факультэт Мінскага дзяржаўнага педагагічнага інстытута замежных моў, у 1992-1993 гадах праходзіў навучанне ў Дыпламатычнай акадэміі пры МЗС Аўстрыі.
• У 1986-1988 гадах — намеснік сакратара камітэта камсамола Мінскага дзяржаўнага педагагічнага інстытута замежных моў.
• У 1988-1992 гадах служыў ва Узброеных Сілах.

Кар’еру ў Міністэрстве замежных спраў пачаў у 1992 годзе з пасады трэцяга сакратара консульскага аддзела. У 1993-1994 гадах — начальнік пашпартна-візавага аддзела консульскага ўпраўлення. У 1994-1995 гадах — намеснік начальніка аддзела дзяржаўнага пратакола, намеснік начальніка службы дзяржаўнага пратакола МЗС. У 1995-1996 гадах — консул-кіраўнік замежнай установы Рэспублікі Беларусь у Гаазе. У 1996-1999 гадах — саветнік Пасольства Рэспублікі Беларусь у Каралеўстве Нідэрландаў, пастаянны прадстаўнік Рэспублікі Беларусь у Выканаўчым савеце арганізацыі па забароне хімічнай зброі. У 1999-2002 гадах — выконваючы абавязкі начальніка, начальнік службы дзяржаўнага пратакола Міністэрства замежных спраў Рэспублікі Беларусь.

У 2002-2009 гадах — пастаянны прадстаўнік Рэспублікі Беларусь пры аддзяленні Арганізацыі Аб’яднаных Нацый і іншых міжнародных арганізацыях у Жэневе (Швейцарская Канфедэрацыя), Надзвычайны і Паўнамоцны Пасол Рэспублікі Беларусь пры Святым Прастоле, Надзвычайны і Паўнамоцны Пасол Рэспублікі Беларусь пры суверэнным ваенным Ордэне гаспітальераў Святога Іаана Іерусалімскага, Радоса і Мальты па сумяшчальніцтве (пры вызваленні ў 2009 годзе ад пасады пастаяннага прадстаўніка захаваны функцыі па сумяшчальніцтве).

У 2009-2013 гадах — намеснік міністра замежных спраў Рэспублікі Беларусь.

У 2013-2020 гадах — Надзвычайны і Паўнамоцны Пасол Рэспублікі Беларусь у Злучаным Каралеўстве Вялікабрытаніі і Паўночнай Ірландыі і па сумяшчальніцтве Надзвычайны і Паўнамоцны Пасол Рэспублікі Беларусь у Ірландыі, Надзвычайны і Паўнамоцны Пасол Рэспублікі Беларусь пры Святым Прастоле, Надзвычайны і Паўнамоцны Пасол Рэспублікі Беларусь пры суверэнным ваенным Ордэне гаспітальераў Святога Іаана Іерусалімскага, Радоса і Мальты, пастаянны прадстаўнік Рэспублікі Беларусь пры Міжнароднай марской арганізацыі.

• З 24 жніўня 2020 года — намеснік міністра замежных спраў Рэспублікі Беларусь.
• З 14 лютага 2022 года — першы намеснік міністра замежных спраў Рэспублікі Беларусь.
• 13 снежня 2022 года прызначаны міністрам замежных спраў Рэспублікі Беларусь.

Мае дыпламатычны ранг Надзвычайнага і Паўнамоцнага Пасла. Валодае англійскай і нямецкай мовамі. Жанаты, мае дваіх сыноў.