Доля працоўнай моладзі апусцілася ў Расіі да гістарычнага мінімуму, зменшылася ў гадавым выражэнні на 10,1 працэнта і ўпершыню ўпала да 10,55 мільёна чалавек, што складае 14,7 працэнта ад усіх занятых. Пра гэта гаворыцца ў даследаванні FіnExpertіza.
Трэнд на зніжэнне колькасці занятых да 30 гадоў тлумачыцца дэмаграфічным спадам у 1990-я. Паводле ацэнак экспертаў, сітуацыя нармалізуецца ў другой палове 2020-х гадоў, па меры ўступлення ў гэту ўзроставую кагорту больш шматлікага пакалення дзяцей, народжаных у двухтысячных.
«З улікам гэтага зараз намаганні ўрада сканцэнтраваны на тым, каб дапамагаць маладым людзям у пошуку працы, забяспечваць умовы для паспяховага выхаду на рынак і замацавання ў прафесіі. Назіраем устойлівую дынаміку зніжэння ўзроўню беспрацоўя ў маладзёжных групах, меры, якія прымаюцца, будуць працаваць на ўзмацненне гэтай тэндэнцыі», — адзначаецца ў даследаванні.
Асабліва прыкметна ў ІІ квартале 2022 года знізілася колькасць моладзі ва ўзросце 15—29 гадоў у Пензенскай вобласці — на 23,9 працэнта, Забайкальскім краі — на 22,5 працэнта, Маскве — на 22,1 працэнта, а таксама ў Марый Эл, Ханты-Мансійскай аўтаномнай акрузе, Калужскай вобласці, Кабардзіна-Балкарыі, Санкт-Пецярбургу, Кастрамской і Маскоўскай абласцях.
Казахстан мае намер адкрыць 50 лічбавых лабараторый. Аб гэтым паведаміў міністр навукі і вышэйшай адукацыі краіны Саясат Нурбек.
«Меркаванне аб тым, што новыя тэхналогіі зробяць рэвалюцыю ў сферы адукацыі, было выказана даўно. Цікава, што першыя праграмы на радыё былі ў навучальна-асветніцкім напрамку. Аднак сур'ёзных змяненняў у сферы навучання не адбылося. Эксперты прадказвалі, што кардынальныя змяненні адбудуцца як з выхадам тэлебачання, так і са з'яўленнем інтэрнэту. Вядома, пандэмія ўнесла свае карэктывы, але традыцыйнае навучанне засталося», — сказаў Саясат Нурбек на панэльнай сесіі Astana Medіa Week.
У той жа час міністр расказаў пра так званую двайную рэчаіснасць.
«Насамрэч, у сферы адукацыі чакаюцца вялікія перамены. У наступным дзесяцігоддзі мы іх убачым. У рэшце рэшт, зараз інфармацыя ствараецца ў віртуальным фармаце. Нашы дзеці прывыклі да двайной рэчаіснасці — рэальнай і віртуальнай. Таму яны гатовы ўспрымаць віртуальную інфармацыю. Культура і каштоўнасці паступова мяняюцца, таму мы таксама пачалі рыхтавацца да перамен: на канферэнцыі Dіgіtal brіdge дамовіліся з Huaweі адкрыць 50 лічбавых лабараторый. Акрамя таго, заключаем асобны мемарандум з TіkTok», — паведаміў Саясат Нурбек.
Апытанне паказала, што ў выпускнікоў аўстралійскіх ВНУ няма праблем з працаўладкаваннем. Большасць з іх знаходзяць работу на працягу трох гадоў пасля заканчэння ўніверсітэта.
Колькасць працаўладкаваных выпускнікоў аўстралійскіх ВНУ сёлета дасягнула 91,5 працэнта, а сярэдні іх заробак склаў 80 тысяч долараў у год. Летась іх колькасць была 88,9 працэнта, а даход — 77 тысяч долараў год. Гэта паказала штогадовае апытанне выпускнікоў GOS-L (2022 Graduate Outcomes Survey). Яго праводзіць Цэнтр сацыяльных даследаванняў пры падтрымцы Дэпартамента адукацыі Аўстраліі. Таксама даследчыкі вылучылі напрамкі з найбольш высокай заработнай платай у выпускнікоў бакалаўрыяту. Большасць з іх адносіцца да STEM, што не дзіўна.
Каментуючы вынікі апытання, выканаўчы дырэктар Unіversіtіes Australіa Катрыёна Джэксан заявіла, што выпускнікі ўніверсітэтаў карыстаюцца вялікім попытам на аўстралійскім рынку працы: «Мы ўсё яшчэ аднаўляемся пасля наступстваў COVІD-19, таму дэфіцыт кваліфікаваных кадраў адчуваецца. На гэтым фоне выпускнікі нашых універсітэтаў яшчэ больш запатрабаваны на рынку працы, дзе іх навыкі высока цэняцца. Вельмі важна, каб мы працягвалі працаваць над развіццём студэнтаў, іх здольнасцяў і талентаў».
Сяргей СТАРЫНАЎ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
