Вы тут

​Паветраныя гімнасты, дрэсіраваныя сабачкі і нават мядзведзь


У Гродне у рамках акцыі «Нашы дзеці» з дабрачынным прадстаўленнем выступіў беларускі цырк шапіто «Сірыус». Гледачамі праграмы «Цырк Дзеда Мароза» сталі больш 500 дзяцей горада і раёна. 


Як расказала начальнік аддзела метадычнай работы Гродзенскага гарадскога цэнтра культуры Ульяна Пятровіч, на акцыю запрошаны дзеці, якія знаходзяцца у сацыяльна небяспечным становішчы, падлеткі, з якімі праводзіцца індывідуальна-прафілактычная работа, дзеці з інваліднасцю, выхаванцы дамоў сямейнага тыпа. Для іх усіх арганізавана бясплатнае прадстаўленне. 

- Многія дзеці прымалі актыўны ўдзел у розных школьных мерапрыемствах, спартыўных спаборніцтвах, валанцёрскіх акцыях. У якасці заахвочвання яны запрошаны на мерапрыемства, — удакладняе суразмоўца. — Сення на прадстаўленні прысутнічае звыш 500 чалавек, 130 дзяцей дамоў сямейнага, больш за 300 — са школ, шматдзетныя сем’і. Гэта вельмі маштабная акцыя з удзелам дзяцей Гродна і Гродзенскага раёна. 

Па словах работніка культуры, для дзяцей сацыяльна небяспечнай катэгорыі праводзіцца нямала дабрачынных мерапрыемстваў — канцэртаў, спектакляў. Напрыклад, напярэдадні Новага года, для іх адбудзецца прадстаўленне з падарункамі ў гарадской рэзідэнцыі Дзеда Мароза ў цэнтры рамёстваў «Спадчына», 

Што датычыць цырка-шапіто, з ім у гродзенцаў наладжаны даўнія трывалыя сувязі. Але ўпершыню дабрачынная акцыя сабрала такую колькасць дзяцей. 

- Мы выдзяляем падчас прадстаўленняў бясплатныя білеты для дзяцей сацыяльных катэгорый, але на гэты раз вырашылі пачаць нашы гастролі поўнасцю дабрачыннай праграмай, — паведаміла галоўны адміністратар цырка Крысціна Драздова. 

Гродна — ужо чацвёрты горад у іх гастрольным туры і ў кожным прадугледжаны дабрачынныя месцы. Па словах прадстаўніка цырка, праграма адноўляецца, дабаўляюцца нейкія новыя нумары. Ёсць і асаблівасць. Многія нумары ідуць у жывым вакальным суправаджэнні.

- Мы будуем праграмы на нейкім сюжэце. Напрыклад, у сёняшняй праграме «Цырк Дзеда Мароза» казка суправаджаецца выступленнем акрабатаў, гімнастаў, жанглёраў, ілюзіяніста, клоўна, а таксама паўночных сабак і нават мядзведзя. 

Фабула такая: Дзед Мароз ішоў на свята да дзяцей, а злыдні яму заблыталі дарогу, каб да іх не трапіў, але цыркавыя артысты — людзі і зверы — дапамагаюць знайсці Дзеду Марозу шлях да дзяцей.

Маргарыта УШКЕВІЧ

Фота аўтара

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.