Гэтымі днямі на тэрыторыі нашай краіны чакаецца змяненне ўмоў надвор'я. На змену марознаму антыцыклону з боку Заходняй Еўропы зрушацца атмасферныя франты, за якімі пачне паступаць цёплая паветраная маса атлантычнага паходжання. Тэмпературны фон істотна павысіцца, і калі ў ноч на аўторак начныя мінімумы знаходзіліся ў межах ад мінус 6 па захадзе да мінус 16 градусаў па ўсходзе, то ўжо днём тэмпература паветра па краіне складзе мінус 4 — плюс 2 градусы. З-за павышэння тэмпературнага фону ападкі будуць пераходзіць са снегу і мокрага снегу ў дождж, што прывядзе да ўтварэння галалёду і галалёдзіцы. У сувязі з гэтым у краіне аб'яўлены аранжавы ўзровень небяспекі, паведамляюць супрацоўнікі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Паўнавартасная адліга прыйдзе да нас у сераду. У гэты дзень на большай частцы тэрыторыі краіны пройдуць ападкі ў выглядзе дажджу і мокрага снегу. Месцамі будзе туман, галалёд, на дарогах галалёдзіца. Ноччу тэмпература паветра складзе мінус 4 — плюс 2 градусы, удзень — ад мінус 2 да плюс 3 градусаў.
Затым на працягу двух дзён будзе неймаверна слізка. У чацвер часам пройдуць дождж і мокры снег. Месцамі прагназуюцца туман, галалёд, на дарогах галалёдзіца. Уначы чакаецца ад мінус 4 градусаў да плюс 2 градусаў, днём — ад мінус 2 да плюс 4 градусаў.
У пятніцу ў многіх раёнах краіны ападкі ў выглядзе мокрага снегу і дажджу. Месцамі будзе галалёд, на дарогах галалёдзіца. Тэмпература паветра ўначы складзе мінус 3 — плюс 2 градусы, удзень — мінус 1 — плюс 4 градусы.
Паводле папярэдніх прагнозаў, у выхадныя месцамі па поўдні і паўднёвым захадзе краіны не выключана павышэнне тэмпературы да плюс 6 градусаў. Такі тэмпературны фон на 1-3 градусы вышэйшы за кліматычную норму. Чакаюцца туманы і галалёдныя з'явы. У суботу на большай частцы тэрыторыі краіны пройдуць мокры снег і дождж. Месцамі будзе слабы галалёд, на дарогах галалёдзіца. Тэмпература паветра ўначы ад мінус 2 да плюс 3 градусаў, удзень — ад мінус 1 да плюс 6 градусаў.
Сяргей КУРКАЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
