Старшыня Савета Рэспублікі Наталля Качанава прыняла ўдзел у пасяджэнні Мінгарвыканкама, паведамляе БелТА.
Асноўнае пытанне, вынесенае на пасяджэнне, — аб выкананні патрабаванняў Дырэктывы Прэзідэнта № 1 ад 11 сакавіка 2004 года.
«Работа па выкананню Дырэктывы № 1 павінна быць сістэмнай, — сказала Наталля Качанава. — Пры падвядзенні вынікаў гэтай працы трэба абавязкова даць ацэнку, што выканана паводле таго рашэння, якое разглядалася ў 2021 годзе, зрабіць расклад па кожнаму раёну, кожнаму прадпрыемству. Там, дзе адбыліся нейкія выпадкі, неабходна прааналізаваць, якая праца была праведзеная, што было зроблена».
План мерапрыемстваў у гэтым кірунку не павінен быць фікцыяй, фармалізмам, канстатавала спікер. «Ён павінен утрымліваць канкрэтныя мерапрыемствы, каб выправіць сітуацыю. З плана мерапрыемстваў і рашэння выканкама кіраўнік прадпрыемства павінен убачыць, што ён сёння павінен рабіць. Таму што такіх выпадкаў быць не павінна. Смерць аднаго чалавека — гэта трагедыя, — падкрэсліла старшыня Савета Рэспублікі. — Трэба дакладна прапісаць, якія мерапрыемствы неабходна праводзіць. Вы павінны думаць, што трэба зрабіць яшчэ, каб гэта спыніць. А гэта можна спыніць тады, калі вы будзеце прынцыпова да гэтых пытанняў падыходзіць».
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.