У Светлагорску прайшла сустрэча старшыні Савета Рэспублікі Наталлі Качанавай з кіраўнікамі выканаўчых органаў улады і старшынямі раённых Саветаў дэпутатаў рэгіёна.
Як звярнула ўвагу спікер верхняй палаты парламента, напрыканцы года ў краіне традыцыйна падводзяцца вынікі выканання ўсіх даведзеных прагнозных паказчыкаў сацыяльна-эканамічнага развіцця і выканання задач, акрэсленых VI Усебеларускім народным сходам для кіраўнікоў рэспубліканскіх і мясцовых органаў улады, дэпутацкага корпуса краіны.
— Мы імкнёмся сустрэцца з нашымі калегамі на месцах для таго, каб падзяліцца меркаваннямі, давесці да вас неабходную інфармацыю і пачуць тыя пытанні, якія хвалююць вас сёння, — падкрэсліла важнасць правядзення падобных сустрэч у рэгіёнах старшыня Савета Рэспублікі.
Наталля Качанава нагадала, што бягучы год для нашай краіны адзначаны знакавым палітычным крокам — праведзеным рэферэндумам з прыняццем абноўленай Канстытуцыі.
— Сёння Нацыянальны сход, дэпутаты Палаты прадстаўнікоў і члены Савета Рэспублікі — усе разам працуем над тымі законапраектамі, якія неабходна прымаць у развіццё абноўленай Канстытуцыі. Іх — каля дзевяноста, і шэраг з іх, самыя ключавыя законапраекты, былі разгледжаныя на нарадзе Прэзідэнта. Аляксандр Рыгоравіч рэкамендаваў выехаць і абмеркаваць гэтыя пытанні з людзьмі, каб людзі разумелі, наколькі важнае прыняцце гэтых законаў, — акцэнтавала ўвагу старшыня Савета Рэспублікі на пастаўленай задачы ад кіраўніка дзяржавы для парламентарыяў.
Наталля Качанава нагадала кіраўнікам выканаўчых органаў улады і дэпутацкіх корпусаў раёнаў Гомельшчыны аб выключнай ролі Усебеларускага народнага сходу.
— Гэты орган для нас не новы, у нас ужо шэсць усебеларускіх народных сходаў прайшло. Першы з іх — у 1996 годзе пад дэвізам «Адвесці краіну ад бездані». Гэтае рашэнне было абсалютна правільным — калі збіраюцца людзі з усёй краіны і абмяркоўваюць ключавыя, стратэгічныя пытанні. Таму і прынята рашэнне, што гэта будзе прадстаўнічы орган. Гэта будзе стабілізуючы орган у нашай краіне, куды ўвойдуць прадстаўнікі абсалютна ўсіх прафесій, галін і ўсіх рэгіёнаў. І зараз нам трэба гэта ўсё ўрэгуляваць заканадаўча, — падкрэсліла Наталля Іванаўна.
Зусім нядаўна быў разгледжаны закон аб Усебеларускім народным сходзе, нагадала старшыня Савета Рэспублікі.
— У сувязі са зменамі і навэламі, унесенымі ў Канстытуцыю, вельмі шчыльна працавалі і па Выбарчым кодэксе. Прынялі законы аб Нацыянальным сходзе, аб статусе дэпутатаў Палаты прадстаўнікоў і членаў Савета Рэспублікі — гэта таксама вельмі важна, — адзначыла спікер.
Наталля Качанава асобна расказала аб рабоце экспертнага савета пры Савеце Рэспублікі.
— Мы разглядаем нарматыўныя прававыя акты, якія потым паступаюць Прэзідэнту нашай краіны, каб даць экспертную ацэнку своечасовасці прыняцця, уздзеянню на наша грамадства і эфектыўнасці далейшай работы законаў, — падзялілася Наталля Іванаўна. — Можна шмат гаварыць, але калі ты ўкладзеш гэта ў закон і ўсё будзе ўрэгулявана заканадаўча, тады нам усім разам жыць і працаваць па гэтых законах. Каб законы былі выверанымі, мы запрашаем людзей, якія дакладна разумеюць, што трэба рабіць, — падкрэсліла спікер.
Так, сярод нядаўна разгледжаных парламентарыямі пытанняў — прадастаўленне арэнднага жылля, дзейнасць самазанятых, рамеснікаў, індывідуальных прадпрымальнікаў.
— Каб прымаць дзейсныя законы, якія б адлюстроўвалі рэальную сітуацыю ў краіне, а самае галоўнае — працавалі на перспектыву, мы заўсёды практыкуем выезды ў рэгіёны, сустрэчы з калегамі. Калі разглядаем пытанні, запрашаем усіх прадстаўнікоў дэпутацкага корпуса, старшыняў аблвыканкамаў, кіраўнікоў прадпрыемстваў і арганізацый, каб і іх пачуць, — падкрэсліла старшыня Савета Рэспублікі.
Наталля КАПРЫЛЕНКА
Фота БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
