Ракаўскае прадмесце Мінска ўпершыню стала пляцоўкай для пераднавагодняга святочнага кірмаша. Дзед Мароз і Снягурка запрашаюць пачаставацца смачнай гарачай выпечкай, набыць цікавыя сувеніры, паўдзельнічаць у інтэрактыўных гульнях.
Рызынкай гэтага відовішча стала з’яўленне на Ракаўскай вуліцы поўнароставых лялек Кракадзіла Гены і Чабурашкі — герояў казак і мультфільмаў. І гэта не выпадкова — у прадмесці нарадзіўся і жыў вядомы мастак-мульціплікатар Леанід Шварцман, які стварыў вобраз Чабурашкі, Кракадзіла Гены і іх вясёлых сяброў. Пра славутага мастака вядучы дзіцячых гульняў раз пораз нагадвае, праводзіць з дзятвой конкурсы на веданне папулярных мультфільмаў.
Ракаўскае прадмесце стала для навагодняга кірмаша выдатнай святочнай пляцоўкай, дзякуючы не толькі умелым арганізатарам і выканаўцам. Вельмі дапасуе да казачнай атмасферы навагодніх дзён само гэта месца: абрысы старых умела асветленых будынкаў, брук на вуліцы, пешаходная тэрыторыя ўсцяж невялічкіх крам і кафэ.
Гэта месца знакавае для цэнтральнай частцы сёняшняга горада. Нашы продкі пачалі засяляць яго яшчэ ў 12-м стагоддзі. Тут калісьці пралягаў гандлёвы шлях да старажытнага паселішча. У канцы 19-га стагоддзя у прадмесці сталі з’яўляцца першые фабрыкі. Адна з іх, па вырабу шпалераў, набыла шырокую вядомасць. А хлебазавод, неаднойчы адноўлены і параабсталяваны, дагэтуль нагадвае пра сябе духмяным пахам свежага хлеба.
Пабываўшы у нядзельны вечар на Ракаўскім кірмашы, адведаўшы каля елкі гарачых бліноў і дранікаў, набыўшы на памяць некалькі сувеніраў я прапаную наведвальнікам сайта газеты «Звязда» фотаздымкі з гэтай новай для Мінска фестывальнай пляцоўкі. Нагадаю, ўсе гэта лепей убачыць самiм. Балазе, арганізатары абяцаюць, што Ракаўскі кірмаш будзе гудзець аж да 8-га студзеня.
Яўген ПЯСЕЦКІ
Фота аўтара
У лясніцтвах ужо тыдзень кіпіць работа.
«Адно немагчыма без другога».
Ужо традыцыя з нагоды Дня роднай мовы прапаноўваць чытачам праверыць свае веды.
